ەلىمىزدە گيد ماماندارىن دايارلاۋى مۇمكىن

- ءبىز قولعا العان كەلەسى باستاما سيفرلاندىرۋ ارقىلى گيدتەردىڭ قىزمەتىن رەتتەۋ. قولدانىستاعى رەەستر تۋريستەرگە قاجەتتى گيد تابۋعا، وعان حابارلاسىپ، كاسىبي بىلىكتىلىگىن تەكسەرۋ مۇمكىندىگىن بەرمەيدى. سوندىقتان مينيسترلىك تاپسىرىسى بويىنشا گيدتەرگە ارنالعان ءبىرىڭعاي سيفرلىق پلاتفورما جاسالعان. E- گايدس سيفرلىق جۇيەسى اتالعان ماسەلەلەردى شەشىپ قانا قويماي، مامانداردىڭ ءبىلىمىن تەكسەرۋگە، بىلىكتىلىگىن ارتتىرۋعا جانە قوسىمشا ءبىلىم بەرۋگە مۇمكىندىك بەرەدى، - دەدى ەربول مىرزابوسىنوۆ ۇكىمەت وتىرىسىندا.

ونىڭ ايتۋىنشا، تەكسەرىستەن وتكەن گيدتەرگە ءبىرىڭعاي ستاندارتتاعى بەيدج بەرىلەدى، ول بەيدج بىلىكتى ماماننىڭ بەلگىسى.

- قازىر جۇيەدە 380 گيد تىركەلگەن. ونىڭ 94 نە بەيدج تابىستالدى. وسى تاجىريبەنى كەڭ تاراتۋ ءۇشىن جەرگىلىكتى اتقارۋشى ورگاندارى، عىلىم جانە جوعارعى ءبىلىم، وقۋ-اعارتۋ مينيسترلىكتەرى تاراپىنان گيد ماماندارىن دايارلايتىن باعدارلاما ازىرلەۋگە اتسالىسۋدى سۇرايمىز، - دەيدى ول.

بۇعان دەيىن تۋريزم جانە سپورت ءمينيسترى ەلىمىزگە كەلىپ الدانىپ قالاتىن شەتەلدىك تۋريستەر ماسەلەسىن شەشۋ جولدارىن اتادى.

ايتا كەتەيىك، ەلىمىزدە تۋريستەرگە ارنالعان، جاساندى ينتەللەكتىگە نەگىزدەلگەن TravelStan موبيلدى قوسىمشا ازىرلەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى