ەلىمىزدە سىرتتاي جوعارى ءبىلىم الۋعا بولا ما

- 2022-جىلى جوعارى وقۋ ورىندارىندا كۇندىزگى وقۋمەن قاتار ونلاين ءبىلىم الۋدى كوزدەيتىن زاڭ قابىلداندى. بۇل وقىتۋدىڭ ليتسەنزيالانعان ءتۇرى، بۇگىندە ءبىر جوعارى وقۋ ورنى (Satbayev University) ستۋدەنتتەردى ونلاين (سىرتتاي) وقىتۋعا ليتسەنزيا الدى. ونلاين وقىتۋ ءۇشىن جوعارى وقۋ ورنىنىڭ سيفرلىق نەمەسە ونلاين-پلاتفورماسىنىڭ بولۋى عانا ەمەس، جۇيەنىڭ دايىندىعى، سونداي-اق ۋنيۆەرسيتەت ونلاين ءبىلىم الۋشى ستۋدەنتتەردى الەۋمەتتەندىرۋ مۇمكىندىگىن كورسەتۋى ءتيىس. وسىعان بايلانىستى، قازىر جوعارى وقۋ ورىندارى دايىندىق جۇمىستارىن جۇرگىزىپ جاتقان شىعار، - دەدى گۇلجان جاراسوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا ارنايى ليتسەنزيا العان جوعارى وقۋ ورنى ستۋدەنتتەردى ونلاين وقىتا الادى.

- جالپى قاشىقتان وقىتۋ ءبىلىم بەرۋ باعدارلامالارىنا ەنگىزىلگەن، ءبىراق وقۋ فورماتىنا جاتپايدى. بۇگىندە ءبىلىم بەرۋ باعدارلامالارىنىڭ قۇرىلىمى مەن كۇردەلىلىگىنە بايلانىستى 20 دان 50 پايىزعا دەيىن قاشىقتان وقىتۋ تەحنولوگيالارىن قولدانۋ ارقىلى ءبىلىم بەرۋگە بولادى. ءبىراق، زاڭعا سايكەس تەك پەداگوگيكالىق جانە مەديتسينالىق ماماندىقتارعا تىيىم سالىنادى، باسقا باعىتتار بويىنشا جوعارى وقۋ ورىندارى بەلسەندى قولدانىپ جاتىر، - دەيدى ول.

ايتا كەتەيىك، بۇگىندە ەلىمىز Google ،Huawei ،NVIDIA سەكىلدى حالىقارالىق الپاۋىت كومپانيالارمەن ىنتىماقتاستىق ورناتىپ جوعارى ءبىلىم سالاسىندا بىرلەسىپ جۇمىس ىستەپ جاتىر.

بۇعان دەيىن حابارلاعانىمىزداي بيىل ۇلتتىق ءبىرىڭعاي تەستىلەۋدە جاساندى ينتەللەكت قولدانىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى