ەلىمىزدە رەسپۋبليكا جانە قازاقستان ەسىمدى قانشا ادام بار؟
ۇلتتىق ستاتيستيكا بيۋروسى ەلدە قازاقستان جانە رەسپۋبليكا ەسىمدى قانشا ادام بار ەكەنىن ايتتى. ستراتەگيالىق جوسپارلاۋ جانە رەفورما اگەنتتىگى ۇلتتىق ستاتيستيكا بيۋروسىنىڭ باسپا ءسوز قىزمەتى مالىمەتىنشە، قازاقستاندا رەسپۋبليكا ەسىمدى ادام جوق.
ءبىراق 31 ادامعا كازاحستان نەمەسە قازاقستان دەگەن ەسىم قويىلعان. ولاردىڭ ءبىرى - ايەل، قالعانى - ەر ادامدار. ولاردىڭ سەگىزى اقمولا وبلىسىندا، جەتەۋى قاراعاندى وبلىسىندا، بەسەۋى استانادا، ۇشەۋى قوستاناي وبلىسىندا، ەكەۋى شىمكەنت پەن ماڭعىستاۋ وبلىسىندا تۇرادى. اقتوبە، الماتى، باتىس قازاقستان جانە پاۆلودار وبلىستارىندا ءبىر-بىردەن.
