ەلىمىزدە قىمبات مەديتسينالىق جابدىقتاردى پايدالانباۋ فاكتىلەرى انىقتالدى - مينيسترلىك
استانا. KAZINFORM - قازاقستاندا 2024 -جىلعا ارنالعان مەديتسينالىق تەحنيكانى ساتىپ الۋدىڭ بەكىتىلگەن جوسپارىنا تەرەڭ تالداۋ جاسالىپ جاتىر. بۇل تۋرالى پارلامەنت ماجىلىسىندە مەديتسينا سالاسىن تالقىلاۋعا ارنالعان جيىندا دەنساۋلىق ساقتاۋ ءمينيسترى اقمارال ءالنازاروۆا ايتتى.
«بىلتىر جانە ونىڭ الدىنداعى كەزەڭدە ساتىپ الىنعان قىمبات مەديتسينالىق جابدىقتاردى پايدالانباۋ فاكتىلەرى انىقتالدى. استانادا قىمبات تەحنيكانىڭ الەۋەتى تولىق پايدالانىلماي وتىر. بۇل تۇرعىدا قاراجاتتى يگەرۋدىڭ جوعارى تيىمدىلىگىن قامتاماسىز ەتۋ ماقساتىندا 2024 -جىلعا ارنالعان مەديتسينالىق تەحنيكانى ساتىپ الۋدىڭ بەكىتىلگەن جوسپارىنا تەرەڭ تالداۋ جاسالىپ جاتىر»، - دەدى ا. ءالنازاروۆا.
بۇدان بۇرىن حابارلانعانداي، مينيستر ەلىمىزدە ءدارى-دارمەكتى ءتيىمسىز پايدالانۋ پروبلەماسى الدەقايدا اۋقىمدى ەكەنىن ايتتى.
سونىمەن قاتار، دەنساۋلىق ساقتاۋ مينيسترلىگى الەۋمەتتىك مەديتسينالىق ساقتاندىرۋ جۇيەسىندەگى مارتەبەسىنە قاراماستان، الەۋمەتتىك ءمانى بار اۋرۋعا شالدىققان ادامدارعا مەديتسينالىق كومەك جاساۋ ماقساتىندا نورماتيۆتىك بازاعا وزگەرىستەر ەنگىزەدى.
اۆتور
رۋسلان عابباسوۆ
