ەلىمىزدە قاي سالانىڭ ماماندارىنا سۇرانىس كوپ

قاڭتار ايىندا ەلەكتروندىق ەڭبەك بيرجاسىندا جۇمىس بەرۋشىلەر مەن ىزدەنۋشىلەردىڭ بەلسەندىلىگى ءارتۇرلى بولدى. بوس ورىندار سانى وتكەن جىلدىڭ جەلتوقسان ايىمەن سالىستىرعاندا 5,2 پايىزعا قىسقارىپ، 98,9 مىڭ بولسا، ال تۇيىندەمەلەر سانى 2,5 ەسە، ياعني 191,9 مىڭعا دەيىن ۇلعايدى.

ەڭ كوپ بوس جۇمىس ورىنداردى ءبىلىم بەرۋ (36,8 مىڭ)، باسقا دا قىزمەت تۇرلەرى (11,5 مىڭ) جانە دەنساۋلىق ساقتاۋ (11,1 مىڭ) كاسىپورىندارى ورنالاستىردى.

- بۇل رەتتە قاڭتار ايىندا جوعارى بىلىكتى كادرلارعا سۇرانىس كۇرت ءوستى - جۇمىس بەرۋشىلەر جەلتوقسانعا قاراعاندا 16 مىڭ بوس ورىنعا (70 پايىز) كوبىرەك ورنالاستىردى. بىلىكتىلىگى جوق جۇمىسشىلاردىڭ ەڭبەگىنە سۇرانىس 45,7 مىڭنان 18,8 مىڭ بوس ورىنعا دەيىن قىسقارىپ، ەكى ەسەدەن استام تومەندەدى، - دەلىنگەن ەڭبەك مينيسترلىگى تاراتقان حابارلامادا.

سونىمەن قاتار ۇسىنىس تاراپىنان تۇيىندەمە سانىنىڭ ءوسۋىن بارلىق بىلىكتىلىك توپتارى كورسەتەدى، ال بىلىكتىلىگى جوق جۇمىسشىلار جەلتوقسانعا قاراعاندا 60,4 مىڭ تۇيىندەمەنى (338 پايىز) كوبىرەك ورنالاستىردى.

جەلتوقسان ايىمەن سالىستىرعاندا بوس جۇمىس ورىندارىنىڭ وڭ سالدوسى 11 وڭىردە بايقالادى. جۇمىسكەرلەرگە سۇرانىستىڭ ەڭ كوپ ءوسۋى شىمكەنت قالاسىندا (2,6 مىڭ بوس ورىنعا نەمەسە 86 پايىز)، اقمولا (1,5 مىڭعا نەمەسە 50 پايىز) جانە باتىس قازاقستان (1,5 مىڭعا نەمەسە 46 پايىز) وبلىستارىندا تىركەلدى. سۇرانىستىڭ ەڭ كوپ تومەندەۋى تۇركىستان (11,2 مىڭ بوس ورىنعا نەمەسە -63 پايىز)، اقتوبە (2,3 مىڭ، نەمەسە 36 پايىز) جانە جامبىل (1,7 مىڭ، نەمەسە 30 پايىز) وبلىستارىندا بولدى.

قاڭتار ايىنداعى ەڭبەك نارىعىنداعى ۇسىنىستاردىڭ ءوسۋى ناتيجەسىندە ەلدىڭ بارلىق دەرلىك ايماعىندا تۇيىندەمە ءپروفيتسيتى قالىپتاستى. ول تۇركىستان (6,5 مىڭ بوس جۇمىس ورنى جانە 25 مىڭ تۇيىندەمە)، قىزىلوردا (2,3 مىڭ بوس جۇمىس ورنى جانە 14,3 مىڭ تۇيىندەمە)، جامبىل (4 مىڭ بوس جۇمىس ورنى جانە 10,3 مىڭ تۇيىندەمە) جانە ماڭعىستاۋ (3,4 مىڭ بوس جۇمىس ورنى جانە 12,7 مىڭ تۇيىندەمە) وبلىستارىندا ەرەكشە بايقالدى.

- بىلىكتى قىزمەتكەرلەر اراسىندا تاربيەشىلەر (2,1 مىڭ بوس جۇمىس ورنى)، اۆتوموبيل جۇرگىزۋشىلەرى جانە ماتەماتيكا مۇعالىمدەرى (1,9 مىڭ بوس جۇمىس ورنى) سۇرانىسقا يە بولدى. الەۋمەتتىك قىزمەتكەر (1,1 مىڭ بوس جۇمىس ورنى) جانە ءبىلىم بەرۋدەگى الەۋمەتتىك پەداگوگ (625 بوس جۇمىس ورنى) سياقتى ماماندىقتارعا سۇرانىس ارتتى، - دەلىنگەن حابارلامادا.

تاپشى ماماندار قاتارىن ماتەماتيكا ءپانىنىڭ مۇعالىمدەرى تولىقتىردى، ولار جالپى 529 تۇيىندەمە ورنالاستىردى، سونداي-اق الەۋمەتتىك پەداگوگتار (173 تۇيىندەمە) مەن مەكتەپ پسيحولوگتارى دا (262 تۇيىندەمەمەن 1 مىڭ بوس جۇمىس ورنى) تاپشى ماماندار قاتارىنان كورىندى.

- جۇمىس بەرۋشىلەر ورتاشا جالاقىنىڭ ەڭ جوعارى مولشەرىن ىزدەنۋشىلەر اراسىنان ءوندىرۋشى ونەركاسىپتەگى ۋچاسكە باستىعى (741 مىڭ تەڭگەدەن باستاپ)، اۆياتسياداعى ينجەنەر (693 مىڭ تەڭگە) جانە باس قۇرىلىسشى (605 مىڭ تەڭگە) لاۋازىمدارىنا ۇسىندى، ال ءجۇمىس ىزدەۋشىلەر اراسىنان ەڭ جوعارى جالاقىنى ءوندىرۋشى ونەركاسىپتە ءبولىم باستىعىنىڭ ورىنباسارى (ورتا ەسەپپەن 1,1 ميلليون تەڭگە)، ۇشقىش (1,1 ميلليون تەڭگە)، سونداي-اق ماتەريالدىق- وندىرىستىك قۇندىلىقتاردى ەسەپكە الۋ ءبولىمىنىڭ باسشىسى (1 ميلليون تەڭگە) لاۋازىمىنا ۇمىتكەرلەر سۇرادى، - دەلىنگەن مينيسترلىك حابارلاماسىندا.

وسىلايشا، قاڭتار ايىندا ە ە ب- دا بوس ورىنداردىڭ ازايۋى كەزىندە تۇيىندەمەلەر سانىنىڭ ايتارلىقتاي ءوسۋى بايقالدى. بۇل جىل باسىندا جۇمىس بەرۋشىلەر جالداۋ پروتسەسىن ءالى كۇشەيتپەگەندىكتەن بولۋى مۇمكىن، ال كوپتەگەن جۇمىس ىزدەۋشىلەر، كەرىسىنشە، قاڭتاردان باستاپ جاڭا جۇمىس ىزدەي باستايدى. كوپتەگەن ماماندىقتار بويىنشا تۇيىندەمەنىڭ پروفيتسيتىنە قاراماستان، كەيبىر لاۋازىمداردا كادرلار تاپشىلىعى بولدى.

ەسكە سالساق استانادا جاستاردىڭ جۇمىسقا ورنالاسۋىنا قانداي كومەك كورسەتىلەتىنى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى