ەلىمىزدە ەكى جوعارى وقۋ ورنىنىڭ اتاۋى وزگەردى

عىلىم جانە جوعارى ءبىلىم ءمينيسترىنىڭ 2025 -جىلعى 17-ناۋرىزداعى بۇيرىعىمەن ى. التىنسارين اتىنداعى ارقالىق پەداگوگيكالىق ينستيتۋتى ىبىراي التىنسارين اتىنداعى ارقالىق پەداگوگيكالىق ۋنيۆەرسيتەتى بولىپ وزگەرتىلدى.

سونداي-اق شاكارىم اتىنداعى سەمەي ۋنيۆەرسيتەتىنىڭ اتاۋى «شاكارىم ۋنيۆەرسيتەتى» بولىپ وزگەرتىلدى.

بۇيرىق قول قويىلعان كۇنىنەن باستاپ كۇشىنە ەنەدى.

ايتا كەتسەك، ارقالىق پەداگوگيكالىق ينستيتۋتى 1972 -جىلى 12-ساۋىردە قۇرىلدى، 1977 -جىلى قازاندا جوعارى وقۋ ورنىنا ى. التىنساريننىڭ ەسىمى بەرىلدى.

ال شاكارىم اتىنداعى ۋنيۆەرسيتەت 1934 -جىلى سەمەي پەداگوگيكالىق ينستيتۋتى رەتىندە قۇرىلدى، ال 1936 -جىلى وقۋ ورنىنا ساكەن سەيفۋلليننىڭ ەسىمى بەرىلدى. 1993 -جىلى ينستيتۋتقا شاكارىم قۇدايبەردى ۇلىنىڭ ەسىمى بەرىلدى.

ەسكە سالايىق، بىلتىر جوعارى وقۋ ورىندارىن باسقارۋدىڭ جاڭا مودەلى ازىرلەنىپ جاتقانى تۋرالى حابارلاعان بولاتىنبىز.

سونىمەن قاتار وتكەن جىلى وتاندىق جوعارى وقۋ ورىندارىنا تاۋەلسىز باعالاۋ جۇرگىزىلەتىنى ايتىلدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى