ەلىمىزدە درون پايدالانۋدى ۇيرەتەتىن 1100 ورتا مەكتەپ بار
استانا. KAZINFORM - وقۋ-اعارتۋ مينيسترلىگىنەن Kazinform ساۋالىنا جولدانعان جاۋاپتا ەلىمىزدە وقۋشىلارىنا درون پايدالانۋدى ۇيرەتەتىن مەكتەپتەردىڭ سانىن كورسەتىلەدى.
- درونداردى پايدالانۋ، اسىرەسە STEM- ءبىلىم بەرۋ اياسىندا، وقۋشىلاردىڭ تەحنيكالىق ويلاۋ قابىلەتىن، ينجەنەرلىك داعدىلارىن دامىتۋعا باعىتتالعان. بۇگىنگى كۇنى ەلىمىزدە مۇنداي مەكتەپتەردىڭ سانى شامامەن 1100 گە جۋىق. بۇل مەكتەپتەردە ول نەگىزىنەن STEM- زەرتحانالار اياسىندا ىسكە اسىرىلادى. مۇنداي زەرتحانالاردا وقۋشىلار درونداردى قۇراستىرۋ، باعدارلامالاۋ جانە باسقارۋ سەكىلدى پراكتيكالىق داعدىلاردى مەڭگەرەدى، - دەپ جازىلعان رەسمي مالىمەتتە.
جالپى رەسپۋبليكا بويىنشا جەتكىنشەكتەردىڭ تەحنيكالىق قابىلەتىن ۇشتاۋعا ارنالعان 24 جاس تەحنيكتەر ستانسياسى مەن تەحنيكالىق شىعارماشىلىق ورتالىق بار.
- قوسىمشا ءبىلىم بەرۋ پروتسەسىنە درونداردى كىرىكتىرۋ قاراجات تالاپ ەتكەندىكتەن، بۇل ماسەلە ءاربىر ءوڭىردىڭ مۇمكىندىكتەرىنە جانە قاجەتتىلىكتەرىنە قاراي جوسپارلاناتىنىن ەسكەرتەمىز. سونداي-اق بيىلعى وقۋ جىلىنان باستاپ ەلىمىزدىڭ بىرنەشە تەحنيكالىق جانە كاسىپتىك ءبىلىم بەرۋ ۇيىمدارىندا زامان تالابىنا ساي پايدا بولعان ماماندىقتاردىڭ ءبىرى - درون وپەراتورلارىن دايارلاۋ قولعا الىندى، - دەلىنگەن مينيسترلىك جاۋابىندا.
ال قىتاي ونەرتاپقىشتارى جاساندى زەيىن كومەگىمەن 10 مىڭ شاقىرىمعا دەيىن ەڭسەرەتىن Rainbow-9 اپپاراتىن سىناقتان ءساتتى وتكىزدى.
اۆتور
ەسىمجان ناقتىباي
