ەلىمىزدە ءدارى-دارمەك باعاسىنا قاتىستى قانشا شاعىم ءتۇستى

«كوتەرمە جانە بولشەك ساۋدا جەلىسىندەگى باعالاردى مەملەكەتتىك رەتتەۋ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 245-بابىنىڭ 1-تارماعىنا سايكەس تىزبەگە ەنگىزىلگەن دارىلىك زاتتارعا قاتىستى جۇزەگە اسادى. قۇنىن رەتتەۋگە جاتاتىن دارىلىك زاتتاردىڭ شەكتى باعالارى مەن تىزبەسى پرەپاراتتاردىڭ شەكتى باعالارىن جانە ۇستەمە باعالارىن قاداعالاۋ، قالىپتاستىرۋ قاعيدالارىنا سايكەس جىلىنا ەكى رەت بەكىتىلەدى. ۋاكىلەتتى ورگان دارىلىك زاتتىڭ ساۋدا اتاۋىنا شەكتى باعالاردى بەكىتەدى، الايدا باسەكەلەس ورتاعا بايلانىستى ونىڭ قۇنى شەكتى باعادان تومەن ساتىلۋى مۇمكىن. قازىر دەنساۋلىق ساقتاۋ ءمينيسترىنىڭ 2023-جىلعى 7- تامىزداعى 465№ بۇيرىعىمەن دارىلىك زاتتاردىڭ 6890 ساۋدا اتاۋىنا شەكتى باعا بەكىتىلدى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

اكىمشىلىك قۇقىق بۇزۋ كودەكسىنىڭ 426-بابىنا سايكەس، پرەپاراتتى بەكىتىلگەن شەكتى باعادان جوعارى ساتقانى ءۇشىن جاۋاپكەرشىلىك قاراستىرىلعان.

«دارىلىك زاتتار مەن مەديتسينالىق زاتتاردىڭ باعاسىن باقىلاۋ اياسىندا 2022-2023-جىلدارى 1,9 ميلليون تەڭگەدەن استام سوماعا ايىپپۇل سالىندى. بۇل تۇرعىدا دارىلىك زاتتار مەن مەديتسينالىق بۇيىمدارعا شەكتى باعانىڭ اسىپ ءتۇسۋىنىڭ 15 فاكتىسى انىقتالدى. 2022-جىلى 7 فاكتى بويىنشا 1 ميلليون تەڭگەگە، ال 2023-جىلدىڭ 9 ايىندا 8 فاكتى انىقتالىپ، 0,9 ميلليون تەڭگەگە ايىپپۇل سالىندى. قازىرگى كەزدە ءدارى-دارمەك باعاسىنا قاتىستى شاعىمدار بولعان جوق»، - دەپ اتالىپ وتكەن ۆەدومستۆو حابارلاماسىندا.

بۇدان بۇرىن حابارلانعانداي، قازاقستان ءدارىحانالارىنداعى ءبىرقاتار پرەپاراتقا باقىلاۋ كۇشەيتىلمەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى