ەلىمىزدە ءبىر ليتر ايران قانشا تۇرادى - باعاعا شولۋ

دۇكەن ايرانىنىڭ (كەفير) باعاسى 290 تەڭگەدەن باستالادى. ورتاشا باعانى انىقتاۋ ءۇشىن مايلىلىعى % 2,5 1 ليتر ايراندى نەگىزگە الدىق. قاپتالعان ايراننىڭ ەڭ تومەنگى باعاسى تالدىقورعاندا ليترى 290 تەڭگە، ال پەتروپاۆلدا ليترى 310-668 تەڭگە تۇرادى. ورالدا ايراننىڭ ليترى 356-562 تەڭگە، ال شىمكەنتتە 386 تەڭگەدەن باستالىپ، 500 تەڭگەگە دەيىن ساتىلىپ جاتىر. سالىستىرمالى تۇردە ارزان ايراندى پاۆلوداردان ساتىپ الۋعا بولادى، بۇل وڭىردە 373-449 تەڭگە ارالىعىندا 1 ليتر ايران الاسىز.

ەلوردا تۇرعىندارى ءبىر ليتر ايراندى 430-605 تەڭگە ارالىعىندا ساتىپ الا الادى (سورەلەردە وتاندىق جانە شەتەلدىك وندىرۋشىلەردىڭ ونىمدەرى ۇسىنىلعان).

قاپتالعان ايراندى (كەفير) قىزىلوردادا ليترىن 450 - 500 تەڭگە ارالىعىندا ساتىپ جاتىر.

قاراعاندىدا جەرگىلىكتى ءوندىرىس ايرانىنىڭ ليترى 450-480 تەڭگەدەن باستالادى، ال سىرتتان اكەلىنگەن ءبىر ليتر ايراننىڭ باعاسى 500 تەڭگەدەن باستالادى. جەزقازعاندا جەرگىلىكتى وندىرىلگەن ايراننىڭ ليترى 495 تەڭگەدەن جانە اكەلىنگەن ايراننىڭ باعاسى 550 تەڭگە (1 ليترى) تۇرادى.

كوكشەتاۋدا قاپتالعان ايراننىڭ ليترى 458-648 تەڭگە ارالىعىندا ساتىلىپ جاتىر. تارازدا باعا 465 تەڭگەدەن 585 تەڭگەگە دەيىن جەتەدى.

قوستانايلىق تۇتىنۋشىلار جەرگىلىكتى ءونىمدى قولدايدى، سوندىقتان دۇكەن سورەلەرىندە نەگىزىنەن وتاندىق ءسۇت زاۋىتتارىنىڭ تاۋارلارى بار. باعاسى ليترىنە 469 تەڭگەدەن 529 تەڭگەگە دەيىن بارادى.

تۇركىستاندا ءبىر ليتر ايران 500-650 تەڭگەگە تۇرادى. اقتاۋدا ايران باعاسى سالىستىرمالى تۇردە قىمبات - ليترى 508-764 تەڭگە تۇرادى. ال اقتوبەدە 515 تەڭگەدەن 629 تەڭگە ارالىعىندا ساتىلىپ جاتىر.

وسكەمەن مەن سەمەيدە ايراننىڭ (كەفير) ليترى 600 تەڭگە، الماتى مەن قونايەۆ قالاسىندا - 600-885 تەڭگە، اتىراۋ ايراننىڭ جوعارى باعاسىمەن ەرەكشەلەنەدى، بۇل وڭىردە ءبىر ليترى 608 تەڭگە.

تۇرىك ايرانى قانشا تۇرادى؟

تۇرىك ايرانى مەن دۇكەندەگى قاپتالعان ايراندى وتە ۇقساس دەپ ساناسا دا، دامىندە ايىرماشىلىق بار. ەكى ءونىمنىڭ ءدامى مەن دايىندىعى ءارتۇرلى. ساتىلىم جاعىنان الىپ قاراساق، ەلىمىزدىڭ كەيبىر ايماقتارىندا قولدىڭ ايرانى اسا سۇرانىسقا يە ەمەس.

دۇكەن سورەلەرىندە كوبىنە مايلىلىعى %1 «تۇرىك ايرانى» ۇسىنىلعان، ونىڭ سالماعى 300-330 گرام شىنىاياقتاردا نەمەسە بوتەلكەلەر مەن پاكەتتەردە ساتىلادى. ونىڭ كلاسسيكالىق تۇرلەرى دە بار.

كوكشەتاۋدا تۇرىك ايرانىنىڭ 300 گرامى 155 تەڭگە، ال ليترى 465 تەڭگە تۇرادى. باعاسى تومەن تاعى ءبىر قالا - تالدىقورعان. مۇندا 300 گرام ايراندى 175 تەڭگەگە، ال ليترىن 575 تەڭگەگە ساتىپ الۋعا بولادى.

ورالدا ايراننىڭ 300 گرامىن 235-300 تەڭگە، ال ليترى 580 تەڭگە بولادى. تارازدا 300 گرام ايراننىڭ قۇنى 250-300 تەڭگەنى قۇرايدى، ال ءبىر ليتر تۇرىك ايرانىنىڭ قۇنى 560 تەڭگەنى قۇرايدى. اقتاۋ قالاسىندا ايران 264-294 تەڭگە، ليترى - 629 تەڭگە.

استانادا، الماتىدا جانە قونايەۆتا ايراننىڭ 300 گرام ايراندى 280-300 تەڭگەگە ساتىپ الۋعا بولادى. ەلوردادا ءبىر ليتر تۇرىك ايرانىنىڭ قۇنى 570 تەڭگە.

تۇركىستان مەن قىزىلوردادا تۇرىك ايرانى ليترى ءۇشىن 330 تەڭگەدەن 400 تەڭگەگە دەيىن تولەيسىز. پاۆلودارلىقتار ءبىر ليتر ايراندى شامامەن 374 تەڭگەگە ساتىپ الىپ جاتىر.

قاراعاندىدا ءبىر ليتر ايراننىڭ قۇنى 429 تەڭگە، ال جەزقازعاندا - 471 تەڭگە تۇرادى.

472 تەڭگەگە ءبىر ليتر تۇرىك ايرانىن شىمكەنتتە، 495 تەڭگەگە اقتوبەدە، 500 تەڭگەگە وسكەمەن مەن سەمەيدە ساتىپ الۋعا بولادى. ال پەتروپاۆلدا ءبىر ليتر ايران 497-708 تەڭگە تۇرادى. قوستانايدا تۇرىك ايرانىنىڭ ليترى 570 تەڭگە تۇرادى. ايراننىڭ باعاسى اتىراۋدا نەعۇرلىم قىمبات بولىپ شىقتى. اتالعان وڭىردە ليترى 638 تەڭگەگە ساتىلادى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى