ەلىمىزدە ازاماتتىق اۆياتسيانى دامىتۋ ستراتەگياسى قاشان قۇرىلادى

- «مەملەكەتتىك جوسپارلاۋدى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017-جىلعى 29-قاراشاداعى 790-قاۋلىسىنا سايكەس، مەملەكەتتىك جوسپارلاۋ جۇيەسى قۇجاتتارىنا قازاقستان رەسپۋبليكاسىنىڭ ۇلتتىق دامۋ جوسپارى، قازاقستان رەسپۋبليكاسىنىڭ ۇلتتىق قاۋىپسىزدىك ستراتەگياسى جانە مەملەكەتتىك ورگانداردىڭ دامۋ جوسپارلارى، وبلىستىڭ، رەسپۋبليكالىق ماڭىزى بار قالانىڭ، استانانىڭ دامۋ جوسپارلارى، ۇلتتىق باسقارۋشى حولدينگتەردىڭ دامۋ جوسپارلارى جاتادى. ازاماتتىق اۆياتسيا سالاسىنىڭ دامۋىن كورسەتەتىن قۇجاتتاردى ازىرلەۋ شەڭبەرىندە مينيسترلىك سالالىق ساراپشىلارمەن بىرلەسىپ قازاقستان رەسپۋبليكاسى ۇكىمەتىنىڭ 2022-جىلعى 30 جەلتوقسانداعى 1116-قاۋلىسىمەن بەكىتىلگەن قازاقستان رەسپۋبليكاسىنىڭ كولىك- لوگيستيكالىق الەۋەتىن دامىتۋدىڭ 2030-جىلعا دەيىنگى تۇجىرىمداماسىن ازىرلەدى. بۇل رەتتە، قازىرگى ۋاقىتتا مينيسترلىك شاعىن اۆياتسيانى دامىتۋ جونىندەگى جەكە تۇجىرىمدامانى ازىرلەۋ ماسەلەسىن پىسىقتاۋدا. سونداي-اق، مينيسترلىك جاقىن ارادا ازاماتتىق اۆياتسيانى دامىتۋ ستراتەگياسىن ازىرلەۋدى جوققا شىعارمايدى. الايدا قر ۇكىمەتىنىڭ 2017-جىلعى 29-قاراشاداعى  790-قاۋلىسىنىڭ 81-تارماعىنا سايكەس مۇنداي قۇجاتتى ازىرلەۋ ءۇشىن ق ر پرەزيدەنتىنىڭ جانە پرەزيدەنت اكىمشىلىگى باسشىلىعىنىڭ، پرەمەر-ءمينيستردىڭ ءتيىستى تاپسىرماسى قاجەت، - دەلىنگەن حابارلامادا.

بۇل ماسەلە ەلىمىزدەگى بۇقارالىق اقپارات قۇرالدارىندا بىرنەشە جىلدان بەرى جازىلىپ كەلەدى. تىپتەن ەلىمىزدىڭ باس گازەتىندە ICAO- دا تاجىريبە جيناعان اۆياتور ابىل كەكىلبايەۆ ازاماتتىق اۆياتسيا ستراتەگياسى نەنى قامتۋى كەرەكتىگىن جانە سالا ماماندارىمەن بىرلەسىپ ازاماتتىق اۆياتسيانىڭ دامۋ ستراتەگياسىنىڭ تۇجىرىمداماسىن دايىنداپ قويعانىن ايتقان بولاتىن.

ايتا كەتەيىك، بۇعان دەيىن نۇرتورە ءجۇسىپ ءوزىنىڭ دەپۋتاتتىق ساۋالىندا ۇكىمەتكە ازاماتتىق اۆياتسيانىڭ نەگىزگى پروبلەمالارىن اتاپ كورسەتكەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى