ەلىمىزدە الاتاۋ دەگەن جاڭا قالا پايدا بولادى
الماتى وبلىسىنا قاراستى جەتىگەن اۋىلى وبلىستىق ماڭىزى بار قالا ساناتىنا اۋىستىرىلماق، دەپ حابارلايدى Kazinform.
«الماتى وبلىسى ىلە اۋدانىنىڭ جەتىگەن اۋىلى وبلىستىق ماڭىزى بار قالا ساناتىنا جاتقىزىلسىن. الماتى وبلىسىندا قۇرىلعان جاڭا قالاعا الاتاۋ اتاۋى بەرىلسىن»، - دەلىنگەن اشىق ن ق ا پورتالىندا جاريالانعان «الماتى وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى» قازاقستان رەسپۋبليكاسى پرەزيدەنتى جارلىعىنىڭ جوباسىندا.
وسى جىلدىڭ 29-قاراشاسىنا دەيىن جاريا تالقىلاۋعا شىعارىلىپ وتىرعان اتالعان جارلىقتى ىسكە اسىرۋ جونىندەگى قاجەتتى شارالاردى قازاقستان رەسپۋبليكاسىنىڭ ۇكىمەتى قابىلدايدى.
جەتىگەن-الماتى وبلىسى ىلە اۋدانىنداعى اۋىل، جەتىگەن اۋىلدىق وكرۋگىنىڭ ورتالىعى، تەمىر جول ستانساسى.
