ەلىمىزگە كەلگەن شەتەلدىك تۋريستەر ساناعى قالاي جۇرگىزىلەدى

- ۇكىمەت دەڭگەيىندە قابىلدانعان شارالار ناتيجەسىندە وتكەن جىلدىڭ قورىتىندىسى بويىنشا تۋريستىك سالا تۇراقتى ءوسىمدى كورسەتىپ وتىر. ىشكى تۋريستەر سانى 10,5 ميلليون ادامدى قۇراپ، 2023 -جىلمەن سالىستىرعاندا 900 مىڭعا ارتتى. جالپى، ەلىمىزگە ءارتۇرلى ماقساتتا 15,3 ميلليون شەتەلدىك قوناق كەلگەن. بۇل جەردە جۇمىسپەن نەمەسە تۇراقتى تۇرۋعا كەلگەندەر ەسەپكە الىنباعانىن ەسكەرگەن ءجون، - دەدى ەربول مىرزابوسىنوۆ ۇكىمەت ۇيىندە.

ءمينيستردىڭ ەسەبىنشە، بىلتىر شەتەلدەن كەلگەن 15,3 ميلليون قوناقتىڭ ىشىندە 10,4 ميلليون ادام ەلىمىزدە 1 كۇننەن استام ۋاقىت وتكىزگەن.

- ءبىز ولاردى شەتەلدىك تۋريستەرگە جاتقىزامىز. دەمالۋعا، دەلەگاتتار، دوستارىنا نەمەسە تۋىستارىنا كەلگەن قوناقتاردىڭ بارلىعى دەرلىك تۋريستەر ەسەبىنە الىنادى. سەبەبى ولار ەلىمىزگە كەلىپ، ورنالاستىرۋ ورىندارىن، تاماقتانۋ، كولىك جانە باسقا دا قىزمەتتەردى پايدالانا وتىرىپ ەكونوميكاعا وڭ اسەر بەرەدى. الايدا ستاتيستيكا بويىنشا اتالعان 10 ميلليون تۋريستىڭ 9 ميلليونى ورنالاستىرۋ ورىندارىندا تىركەلمەگەن، - دەيدى ول.

وسى ورايدا شەتەلدىك قوناقتاردى ەسەپكە الۋ ۇلتتىق قاۋىپسىزدىك كوميتەتى شەكارا قىزمەتىنىڭ ستاتيستيكاسى بويىنشا، ال ىشكى تۋريزم تۋرالى دەرەكتەر ورنالاستىرۋ وبەكتىلەرىنىڭ ەسەبى نەگىزىندە قالىپتاستىرىلادى.

- تۋريستىك اعىندى ءدال باعالاۋ ءۇشىن ۇلتتىق ستاتيستيكا بيۋروسىنا ۇيالى بايلانىس وپەراتورلارىنىڭ دەرەكتەرىنە قول جەتكىزۋىن قامتاماسىز ەتۋ كەرەك. سونىمەن قاتار ونىڭ ەكونوميكالىق ۇلەسىن تالداۋ ءۇشىن بانك كارتالارىنىڭ ترانزاكسيالارى نەگىزىندەگى تۋريستەردىڭ شىعىندارى تۋرالى اقپارات قاجەت. تۋريستەردى تىركەۋدىڭ تاعى ءبىر ءتاسىلى «eQonaq» اقپاراتتىق جۇيەسى بولىپ سانالادى. جۇيە كوشى-قون باقىلاۋى جانە تۋريستەر اعىمىن تالداۋ ءۇشىن قۇرىلدى. جۇيەنى ەنگىزۋ ارقىلى كەلەسىدەي ماڭىزدى وزگەرىستەر جاسالدى، - دەپ تولىقتىردى ۆەدومستۆو باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى