ليحتەنشتەيندە ۇكىمەتتى العاش رەت ايەل باسقارادى

جەكسەنبى كۇنى ليحتەنشتەين حالقى زاڭگەر ب. حااستىڭ ۇكىمەتتى باسقارۋىنا داۋىس بەردى. ونىڭ «وتان وداعى» پارتياسى %38,3 داۋىس جيناپ، %27,5 داۋىسپەن ەكىنشى ورىن العان پروگرەسسيۆتى ازاماتتىق پارتيادان ەداۋىر وزىپ كەتتى.

ءىرى پارتيا ءداستۇرلى تۇردە ەلدىڭ پرەمەر-ءمينيسترىن تاعايىندايدى.

حانزادا حانس-ادام II مەملەكەت باسشىسى، ءبىراق ونىڭ ۇلكەن ۇلى حانزادا الويز 2004 -جىلدان باستاپ رەگەنت رەتىندە ونىڭ مىندەتىن اتقارىپ كەلەدى. ول مونارحياعا كوبىرەك كۇش بەرگەن 2003 -جىلعى رەفەرەندۋمنان كەيىن زاڭدارعا ۆەتو قويۋعا قۇقىلى.

داۋىس بەرۋگە 16171 سايلاۋشى قاتىسىپ، كەلۋشىلەر سانى %76,3 دى قۇرادى.

بۇعان دەيىن سولتۇستىك ماكەدونيانىڭ العاشقى ايەل پرەزيدەنتى رەسمي تۇردە قىزمەتكە كىرىسكەن بولاتىن.

ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى