ليفتىدە بالانى پىشاقتاعان جاس ءوسپىرىمدى جالعىزباستى انا تاربيەلەپ وتىر

- ەلىمىزدە 200 مىڭنان استام پسيحيكالىق اۋىتقۋى بار ادام بار، ونىڭ 28 مىڭى بالا. ليفتىدە بولعان جاعداي بويىنشا ايتايىن، ول جالعىزباستى انا، قامقورشى رەتىندە الاتىن اقىسى 60 مىڭ تەڭگە، بالاسىنىڭ ەكىنشى توپتاعى مۇگەدەكتىگى رەتىندە الاتىن جاردەماقىسى 80 مىڭ تەڭگە. ول جۇمىس ىستەۋگە بالاسىنىڭ سىرتىنان جاۋىپ كەتتى، ال بالانىڭ ويىندا نە بولدى، ول جاس ءوسپىرىم ابدەن دايىندالدى، پىشاقتىڭ سابىن پاكەتپەن ورادى، جاقسىلاپ كيىندى، بالانىڭ بەتىنەن ۇردى. وعان نە دەپ ايتاسىڭ؟ - دەدى تاڭساۋلە سەرىكوۆ ءماجىلىس قابىرعاسىندا.

حالىق قالاۋلىسىنىڭ مالىمەتىنشە، بيىل 12 مىڭ مۇگەدەك جان انىقتالدى، ونىڭ ىشىندە 10 مىڭ بالا بار، سونىڭ ىشىندە 6 مىڭ بالا اۋتيزمگە شالدىققان.

بۇگىن ءماجىلىستىڭ الەۋمەتتىك-مادەني دامۋ كوميتەتىندە پسيحولوگيا قىزمەتىنىڭ پروبلەمالارى مەن شەشۋ جولدارى قارالدى.

ايتا كەتەيىك، ەلىمىزدە پسيحولوگيالىق قىزمەت تۋرالى ارنايى زاڭ جوباسى قولعا الىندى.

ەسكە سالا كەتسەك، ەلوردادا جاس ءوسپىرىم ليفتى ىشىندە بالانى پىشاقتاپ تاستاعان ەدى. كەيىن بەلگىلى بولعانداي پىشاقپەن شابۋىلداعان جاس ءوسپىرىم ارنايى ەسەپتە تۇرعان.

دارىگەرلەر زارداپ شەككەن بالاعا دەرەۋ وتا جاساپ، پسيحولوگيالىق كومەك كورسەتتى.

قازىر بالانى پىشاقتاعان جاس ءوسپىرىم پسيحياتريالىق ستاتسيوناردا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى