ۇلى بريتانيادا 250 جىل بۇرىن جازىلعان حاتتار اشىلدى
18 -عاسىردا ۇلى بريتانيا مەن فرانسيا اراسىنداعى جەتى جىلدىق سوعىس كەزىندە فرانسۋز تەڭىزشىلەرىنە جازىلعان، ءبىراق ادرەساتتىڭ قولىنا تيمەگەن حاتتاردى 250 جىلدان استان ۋاقىتتان سوڭ كەمبريدج ۋنيۆەرسيتەتىنىڭ پروفەسسورى اشىپ زەرتتەدى.
ونداعان حاتتى كوبىنە ەر ازاماتىنىڭ تاعدىرىنان بەيحابار ايەلى مەن انالارى جىبەرگەن.
1758 -جىلى بوردودان كۆەبەككە ءجۇزىپ بارا جاتقان «گالاتەيا» كەمەسىن بريتاندىقتار باسىپ الادى.
«بۇل ديپلوماتتاردىڭ، اقسۇيەك نەمەسە بۋرجۋازيا وكىلدەرىنىڭ رەسمي حاتتارى ەمەس، بىلايشا ايتقاندا قاراپايىم حالىقتىڭ حاتى ەكەنىن بىردەن ءتۇسىندىم. جۇرەگىم تەز سوعا باستادى. مەن مۇنىڭ شىنىمەن ەرەكشە دۇنيە ەكەنىن بىردەن ۇقتىم. بۇل - تاريحشى رەتىندە وسى ۋاقىتقا دەيىن باسىمنان وتكەرگەن ەڭ كۇشتى ەموتسيا»، - دەيدى كەمبريدج ۋنيۆەرسيتەتىنىڭ تاريح پروفەسسورى رەنو موريە.
حاتتار 18 -عاسىردىڭ سوڭىنداعى ادامداردىڭ كۇندەلىكتى تىرشىلىگىنەن سىر شەرتەدى.
سونىڭ بىرىندە اناسى بالاسىنا جاڭالىق جوق دەپ رەنجىسە، ەكىنشىسىندە ايەلى كۇيەۋىنە ماڭگىلىك ادال بولۋعا انت بەردى.
حات جولداۋشىلاردىڭ كەيبىرى جاقىندارىن كورمەگەن كۇيى قايتىس بولعان.
