ۇلى بريتانيا پرەمەر-ءمينيسترى يزرايلدە ءجۇر

Kazinform بۇل تۋرالى BBC- ءدىڭ Telegram-ارناسىنا سىلتەمە جاساپ حابارلايدى.

ر. سۋناك ۇلى بريتانيا ءيزرايلدى قولدايتىنىن قۋاتتادى.

«مەن پرەمەر-مينيستر جانە پرەزيدەنتپەن كەزدەسۋدى اسىعا كۇتەمىن جانە اڭگىمەمىز ءونىمدى بولادى دەپ ويلايمىن»، - دەدى ول.

بريتان پرەمەرى تەل-اۆيۆكە بۇگىن تاڭەرتەڭ ۇشىپ باردى. ەندى سۋناك الداعى بىرنەشە ساعات ىشىندە يزرايل پرەمەر-ءمينيسترى بينيامين نەتانياحۋ جانە اتالعان ەل پرەزيدەنتى يسااك گەرتسوگپەن كەزدەسۋ ءۇشىن يەرۋساليمگە بارادى.

فرانسيا پرەزيدەنتى ماكرون دا جاقىن كۇندەرى وسى وڭىرگە كەلەدى دەپ جوسپارلانعان.

ەسكە سالايىق، كەشە يزرايلگە ا ق ش پرەزيدەنتى دجو بايدەن ۇشىپ بارعان ەدى. ول يزرايل پرەمەر-مينيستر بينيامين نەتانياحۋ جانە ەلدىڭ اسكەري كابينەتىنىڭ مۇشەلەرىمەن وتكەن كەزدەسۋدە ا ق ش يزرايلگە قولداۋىن جالعاستىراتىنىن ايتتى.

الەم ەلدەرىنىڭ بيلىك وكىلدەرى گازا سەكتورىنداعى اۋرۋحاناعا زىمىرانمەن سوققى جاسالعاننان كەيىن يزرايلگە شۇعىل ساپارلاي باستادى. شابۋىل سالدارىنان كەم دەگەندە 800 ادام قازا تاپتى.

پالەستينا پرەزيدەنتى ماحمۋد ابباس ۇشكۇندىك قارالى كۇن جاريالادى. Al Mayadeen تەلەارناسىنىڭ دەرەگىنشە، ول 19- قازانعا ا ق ش باسشىسى دجو بايدەنمەن جوسپارلانعان كەزدەسۋىن كۇتپەستەن امماننان ۇشىپ كەتىپ، راماللاعا ورالدى.

حاماس اۋرۋحاناعا شابۋىلعا يزرايلدى كىنالاپ وتىرسا، يزرالدىك بيلىك بۇعان پالەستينالىق انكلاۆتان ءساتسىز ۇشىرىلعان زىمىراندار سەبەپ بولعانىن جانە وعان «يسلام جيھادى» جاۋاپتى ەكەنىن ايتۋدا.

7- قازان كۇنى پالەستيناداعى حاماس توبى يزرايلگە شابۋىل جاساپ، ەلدەر سوعىس جاعدايىنا كوشكەن بولاتىن.

يزرايل-پالەستينا قاقتىعىسى ۋشىعا باستاعاننان بەرى 3478 پالەستينالىق پەن 1300 يزرايلدىك، سونداي-اق 13 جۋرناليست اجال قۇشتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى