ۇلى بريتانيا پرەمەر-ءمينيسترى لاڭكەستىك ارەكەتتەرگە دايىن بولۋدى تاپسىردى
ۇلى بريتانيا پرەمەر-ءمينيسترى ريشي سۋناك پوليتسيا مەن بارلاۋ ورگاندارىنا يزرايل مەن حاماس اراسىنداعى قارۋلى قاقتىعىسقا بايلانىستى شيەلەنىس كەزىندە ىقتيمال لاڭكەستىك ارەكەتتەرگە دايىندالۋدى تاپسىردى، دەپ حابارلايدى Kazinform ءتىلشىسى.
بريتاندىق The Telegraph گازەتىنىڭ حابارلاۋىنشا، دۇيسەنبى كۇنى ريشي سۋناك ۇكىمەتتىڭ توتەنشە جاعدايلار جونىندەگى كوميتەتىنىڭ شۇعىل وتىرىسىن وتكىزىپ، وندا قۇقىق قورعاۋ ورگاندارى مەن بارلاۋ ورگاندارىنىڭ وكىلدەرى ىشكى لاڭكەستىك قاۋپىنىڭ كۇشەيۋىنە جانە ازاماتتىق تولقۋلار قاۋپىنە باعا بەردى.
پرەمەر-مينيستر پوليتسيا مەن بارلاۋ ورگاندارىنان ىقتيمال سەناريلەر ارقىلى لاڭكەستىك ارەكەتتەرگە دايىندىق شارالارىن قابىلداۋدى تالاپ ەتتى. مينيسترلەر كابينەتى بريتاندىق قوعامداعى شيەلەنىستىڭ كۇشەيۋى زورلىق-زومبىلىققا ۇلاسۋى مۇمكىن دەپ الاڭدايدى.
وتكەن سەنبىدە ۇلى بريتانيا استاناسىندا مىڭداعان پالەستينا جاقتاستارىنىڭ ءۇشىنشى شەرۋى ءوتتى. نارازىلىق اكسياسى مانچەستەر، گلازگو، بەلفاست جانە باسقا قالالاردا دا بولعان.
