ەلوردانى تولىق گازداندىرۋ قاشان اياقتالادى

- قازىرگى كەزدە گازبەن قامتاماسىز ەتىلۋى ءتيىس 300 مىڭ ادامنىڭ 216 مىڭىنا گاز جەتكىزىلگەن، بۇل جالپى سانىنىڭ 72 پايىزىن قۇرايدى. 12 مىڭ ابونەنت قوسىلعان، 14 مىڭ ابونەنتكە (كوكتال-1، كوكتال-2، اگروقالاشىق، وڭتۇستىك-شىعىس، جەلەزنودوروجنىي، كۇيگەنجار، ميچۋرينو، ينتەرناتسيونالنىي، ۆەللا ۆيللادج، Family Village، ۇركەر، اقبيداي جانە قازاقاۋىل شاعىن اۋداندارى، نۇربەسىك) جەلىلەر جەتكىزىلگەن.

2025 -جىلى شۇبار، تەلمان جانە كيرپيچنىي تۇرعىن الاپتارىندا گاز جەلىلەرىنىڭ قۇرىلىسىن اياقتاۋ جوسپارلانعان، - دەلىنگەن اكىمدىكتىڭ Kazinform اگەنتتىگىنە بەرگەن جاۋابىندا.

وسى جىلدىڭ سوڭىنا دەيىن قالعان تۇرعىن الاپتارىنا ارنالعان جوبالار بويىنشا ساراپتامالاردىڭ قورىتىندىلارىن الۋ ەسكەرىلگەن: ءوندىرىس، Garden Village.

- ەلوردانى تولىق گازداندىرۋدى 2026 -جىلدىڭ سوڭىنا دەيىن جۇزەگە اسىرۋ جوسپارلانعان، - دەپ اتالىپ وتكەن ەلوردا اكىمدىگىنىڭ اقپاراتىندا.

بۇعان دەيىن حابارلانعانداي، ق ر ەنەرگەتيكا مينيسترلىگى Kazinform ساۋالىنا جولداعان جاۋاپتا پاۆلودار، اباي، شىعىس قازاقستان وبلىستارىن رەسەيدەن قىتايعا تارتىلاتىن ترانزيتتىك قۇبىر ارقىلى گازداندىرۋ كەلىسسوزى قاي ساتىدا ەكەنىن ءمالىم ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى