ەلوردانىڭ 2025 -جىلعى بيۋجەتى بەكىتىلدى: 925 ميلليارد تەڭگە قايدا جۇمسالادى
استانا. KAZINFORM - استانا قالاسىنىڭ 2025-جىلعا ارنالعان بيۋجەتى بەكىتىلدى.
قالالىق ءماسليحاتتىڭ كەزەكتى سەسسياسى ەلوردا اكىمى جەڭىس قاسىمبەكتىڭ قاتىسۋىمەن ءوتتى. الداعى جىلدىڭ بيۋجەتىن قالالىق ەكونوميكا جانە بيۋجەتتىك جوسپارلاۋ باسقارما باسشىسىنىڭ مىندەتىن اتقارۋشى ايجان تۇگەلبايەۆا تانىستىردى.
2025-جىلى ەلوردانىڭ بيۋجەتى 925 ميلليارد تەڭگەنى قۇرايدى، ونىڭ ىشىندە اكىمدىك كوشەلەردى جارىقتاندىرۋعا، تازالاۋعا، كوگالداندىرۋعا جانە زيراتتاردى كۇتىپ ۇستاۋعا 107,5 ميلليارد تەڭگە جۇمساۋعا شەشىم قابىلدادى. ودان بولەك، قورشاعان ورتانى قورعاۋعا باعىتتالعان جۇمىستارعا 22,4 ميلليارد تەڭگە جۇمساماق.
كوممۋنالدىق شارۋاشىلىققا ءبىر جىلعا 20,9 ميلليارد تەڭگە بولىنەدى. ول اقشاعا بيلىك «استانا تازالىق» ج ش س ءۇشىن 26 ارنايى تەحنيكا ساتىپ الىپ، ۇزىندىعى 700 ك م جاڭبىر سۋىنىڭ كارىزىنە قىزمەت كورسەتىپ، جاڭا جاڭبىر سۋىنىڭ جەلىلەرى مەن سۋمەن جابدىقتاۋ جانە سۋ بۇرۋ جۇيەلەرىن سالۋى ءتيىس. ايتا كەتەيىك، وتكەن جىلى كوممۋنالدىق قاجەتتىلىككە نەبارى 5,8 ميلليارد تەڭگە ءبولىندى.
ەنەرگەتيكاعا 21,5 ميلليارد تەڭگە جۇمسالادى. بۇل سوما ەنەرگيا ءوندىرۋشى كومپانيالاردىڭ شىعىندارىن سۋبسيديالاۋدى، جىلۋ-ەنەرگەتيكالىق جانە گاز تاسىمالداۋ جۇيەلەرىن سالۋدى جابۋعا ءتيىس. سونىمەن قاتار، 5200 ابونەنتتى گازبەن قامتۋدى جوسپارلاپ وتىر جانە جىلۋ ەنەرگياسىن ءوندىرۋدىڭ 350 گ ك ا ل- عا ارتتىرۋدى كوزدەپ وتىر.
ەلوردادا قۇرىلىس سالۋعا 2025-جىلى 57,1 ميلليارد تەڭگە جۇمسالادى، بۇل ءبىر جىل بۇرىنعىعا قاراعاندا 23 ميلليارد تەڭگەگە ارتىق. كوبىنە تۇرعىن ءۇي، الەۋمەتتىك جانە مەملەكەتتىك نىساندار سالىنادى. بيلىك 44,4 مىڭ شارشى مەتر تۇرعىن ءۇي مەن 6 مەكتەپتى پايدالانۋعا بەرۋگە، جۇمىس ىستەيتىن جاستارعا 1050 جالعا بەرىلەتىن پاتەر بەرۋگە ۋادە ەتىپ وتىر.
الداعى جىلى كولىك ينفراقۇرىلىمىن دامىتۋعا 76,1 ميلليارد تەڭگە ءبولىندى. بۇل قارجى جولاۋشىلار تاسىمالىن سۋبسيديالاۋعا، جول قاۋىپسىزدىگىن قامتاماسىز ەتۋگە، جول توسەۋگە (13 ك م جول سالىنادى جانە 8 ك م جوندەلەدى) جۇمسالماق.
كاسىپكەرلىكتى قولداۋعا الداعى جىلى 15,6 ميلليارد تەڭگە قاراستىرىلعان.
ساۋلەت جانە قالا قۇرىلىسى سالاسىنا 3,2 ميلليارد تەڭگە بولىنبەك.
كوممۋنالدىق مۇلىكتى باسقارۋعا 4,5 ميلليارد تەڭگە. 3 سپورتتىق جانە 1 مادەني وبەكتىنى سەنىمگەرلىك باسقارۋ شىعىندارىن وتەيدى.
تۇرعىن ءۇي ساياساتىنا 27,9 ميلليارد تەڭگە بولىنەدى. قۇرىلىس سالۋعا 19,2 گەكتار جەر الىنادى، 333 تۇرعىن ءۇي سەرتيفيكاتىن بەرۋ جوسپارلانىپ وتىر.
پوليتسيا دەپارتامەنتىنىڭ قىزمەتىنە 32,3 ميلليارد تەڭگە، توتەنشە جاعدايلار دەپارتامەنتىنە 3,5 ميلليارد تەڭگە، تسيفرلاندىرۋ سالاسىنا 10,5 ميلليارد تەڭگە قاراستىرىلعان.
قالالىق ورتا ساپاسىن باقىلاۋ 0,7 ميلليارد تەڭگە بولىنەدى، بۇل ەڭبەكتى قورعاۋ، قۇرىلىس جانە جەر قاتىناستارى سالاسىنداعى زاڭنامانى باقىلاۋدى قامتاماسىز ەتەدى.
ەلوردانىڭ ىشكى ساياساتىنا 6,8 ميلليارد تەڭگە كوزدەلىپ وتىر. اتالعان سوماعا 5 ۆەدومستۆولىق باعىنىستى مەكەمە كىرەدى، ولار مەملەكەتتىك ىشكى ساياساتتى جۇرگىزەدى جانە جاريالايدى.
ايتا كەتەيىك، 4-جەلتوقساندا پرەزيدەنت «2025-2027-جىلدارعا ارنالعان رەسپۋبليكالىق بيۋجەت تۋرالى» قازاقستان رەسپۋبليكاسىنىڭ زاڭىنا قول قويدى.
