ەلوردالىق ءورت سوندىرۋشىلەر جارىلىستىڭ الدىن الدى
استانا. KAZINFORM - تۇندە سارىارقا اۋدانىندا كوكتال كوشەسىندە ورنالاسقان اۆتوكولىك شينالارىن جويۋ سەحىندا رەزەڭكە بۇيىمدار، جابدىقتار جانە شاتىردىڭ اعاش قۇرالدارى جاندى.
جالىنعا ورانعان عيماراتتان ەرجۇرەك ءورت سوندىرۋشىلەر بىرىنەن سوڭ ءبىرى 2 گاز جانە 2 وتتەگى بالوندارىن شىعارىپ، جارىلىستاردىڭ الدىن الدى.
- ءورت 500 شارشى مەتر اۋماقتا جويىلدى. زارداپ شەككەندەر جوق، - دەلىنگەن توتەنشە جاعدايلار مينيسترلىگى حابارلاماسىندا.
بۇعان دەيىن ەلوردادا مينيسترلىكتەر ءۇيىنىڭ الدىنداعى ايالداما جانىندا جولاۋشىلار اۆتوبۋسى ورتەنگەنىن جازعان بولاتىنبىز.
