ەلوردادا ۇيگە قامالىپ قالعان ءۇش جاسار بالا قۇتقارىلدى

«وقيعا ەلوردانىڭ كوپقاباتتى تۇرعىن ۇيلەردىڭ بىرىندە بولدى. اكەسى بالانى ۇيدە قالدىرىپ دۇكەنگە شىققاندا ەسىكتى كىلتتەپ جاۋىپ، قايتا اشا الماي قالعان. مازاسىزدانعان اتا-انا 112 قىزمەتىنە حابارلاستى»، - دەلىنگەن توتەنشە جاعدايلار مينيسترلىگى تاراتقان حابارلامادا.

قۇتقارۋشىلار الپينيستىك قۇرالداردىڭ كومەگىمەن 9-شى قاباتتاعى پاتەرگە بالكون ارقىلى كىرگەن.

«قۇتقارۋشىلار بالانى تىنىشتاندىرىپ، ەسىكتى ىشتەن اشتى. ءسابي زارداپ شەككەن جوق»، - دەيدى توتەنشە جاعدايلار ۆەدومستۆوسىنان.

ەسكە سالا كەتسەك، بىلتىر استانادا كۇزەتشى 20-قاباتتاعى تەرەزەدە ءىلىنىپ تۇرعان بالانى قۇتقارعان ەدى.

بيىل ناۋرىزدا ەلوردالىق بالىقشىلار مۇز ويىلىپ، سۋعا قۇلاپ كەتكەن 7 جاسار بالانى قۇتقاردى.

ودان بولەك، استانادا 7-سىنىپ وقۋشىسى بالكونعا ءىلىنىپ تۇرعان بەس جاسار بالانى امان الىپ قالدى.

اۆتور
داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى