ەلوردادا ەسىرتكىگە تاۋەلدى قانشا ادام ەسەپتە تۇر

- ەلوردا اكىمى «استانا - ەسىرتكىسىز قالا» اتتى 2023-2025-جىلدارعا ارنالعان جوسپاردى بەكىتتى. ونىڭ اياسىندا ەسىرتكىمەن كۇرەسكە باعىتتالعان 92 ءىس-شارا قاراستىرىلعان. قالالىق دەنساۋلىق ساقتاۋ باسقارماسىنىڭ مالىمەتى بويىنشا، بيىل 971 ەسىرتكى قولداناتىن ادام تىركەلگەن، بۇل وتكەن جىلمەن سالىستىرعاندا %1,2 عا تومەن. سونىمەن قاتار 279 ادام ەسىرتكىگە تاۋەلدىلىكتەن ارىلعان، ياعني ەمدەلگەن جانە 70 ەسىرتكىگە تاۋەلدى جان ەسەپكە الىندى - دەدى ەسەت بايكەن قالالىق ءماسليحاتتىڭ جاستار ساياساتىنا ارنالعان كەزەكتى سەسسياسىندا.

اكىم ورىنباسارىنىڭ ايتۋىنشا، ەسىرتكىمەن كۇرەس باعىتىندا قالادا 40 اكسيا ۇيىمداستىرىلدى.

- پروفيلاكتيكالىق ءىس-شارالارعا ۇكىمەتتىك ەمەس ۇيىم وكىلدەرى، ءماسليحات دەپۋتاتتارى، بلوگەرلەر جانە قۇقىق قورعاۋ ورگاندارىنىڭ ماماندارى قاتىستى. سول سياقتى Zoom پلاتفورماسىندا كاسىبي پسيحولوگتاردىڭ قاتىسۋىمەن ونلاين ترەنينگتەر ءوتتى، - دەيدى ول.

ەسكە سالا كەتسەك، تاياۋدا پارا الىپ، ەسىرتكى ساقتاعان ەلوردا اكىمدىگىنىڭ قىزمەتكەرى ايىپپۇل ارقالاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى