ەلوردادا سۇيەك ويۋ شەبەرلەرىنىڭ حالىقارالىق فەستيۆالى ءوتىپ جاتىر

اتالعان ءىس-شاراعا قازاقستاننان، قىتايدان جانە رەسەيدىڭ جيىرما وڭىرىنەن كەلگەن ەڭ ۇزدىك سۇيەك ويۋ شەبەرلەرى مەن قولونەرشىلەرى قاتىستى.

فەستيۆالدى ساحا رەسپۋبليكاسى (ياكۋتيا) مادەنيەت جانە رۋحاني دامۋ ءمينيسترى افاناسي نويەۆ سالتاناتتى تۇردە اشتى. ونىڭ ايتۋىنشا، وسى سەكىلدى جوبالار الەمنىڭ تۇكپىر-تۇكپىرىندەگى ادامداردى بىرىكتىرەدى.

ءوڭىرارالىق ىنتىماقتاستىقتىڭ ودان ءارى دامۋىن رەسەيدىڭ قازاقستانداعى «روسسوترۋدنيچەستۆو» وكىلدىگىنىڭ باسشىسى ولگا فيلونوۆا دا قولدادى.

- بۇل شارانىڭ ورىس ۇيىندە ءوتۋى، ءبىز ءۇشىن ەرەكشە قۋانىش. رەسەي جەرى تالانتتارعا باي، ءبىراق قازاقستاندىق شەبەرلەر دە تاڭعالدىرۋدا. سوندىقتان ۇزدىك سۇيەك ويۋ شەبەرلەرىنىڭ جۇمىستارىن كورسەتىپ قانا قويماي، تاجىريبە الماسۋى وتە ماڭىزدى. ءبىز وسىنداي جوبالاردى بارىنشا قولداۋعا دايىنبىز، - دەيدى ول.

قولونەر شاراسى ساحا رەسپۋبليكاسىنىڭ (ياكۋتيا) «ۋۋس» حالىقتىق قولونەر جانە كاسىپشىلىك قورىنىڭ باستاماسىمەن جانە پرەزيدەنتتىك مادەني باستامالار قورىنىڭ قولداۋىمەن ۇيىمداستىرىلدى.

- بۇل فەستيۆال - اتا-بابامىزدىڭ داستۇرىنە دەگەن قۇرمەت. ولاردىڭ التىن قولى سۇيەكتى ونەر تۋىندىسىنا اينالدىرعان. ءبىز بۇل ءداستۇردى جالعاستىرىپ، شەبەرلەر مەن ونەر سۇيەر قاۋىمدى بىرىكتىرەمىز، - دەدى «ۋۋس» قورىنىڭ ديرەكتورى يانا يگناتيەۆا.

ۇيىمداستىرۋشىلاردىڭ ايتۋىنشا، كورمەگە كەلگەن ءاربىر ادام سۇيەك ويۋ شەبەرلىگى ونەرىنە، اتا-بابالار مۇراسىنا جاقىنداپ، قولونەر شەبەرلىگى سۇلۋلىعىنا ءتانتى بولا الادى.

ساحا، بۋرياتيا، كالمىكيا، تىۆا رەسپۋبليكالارىنان، سونداي-اق تۇمەن، ماگادان، ياروسلاۆل، ماسكەۋ وبلىستارىنان، چۋكوتكا اۆتونومدى وكرۋگى جانە باسقا دا وڭىرلەردەن اكەلىنگەن قولونەر تۋىندىلارىن 23- ناۋرىزعا دەيىن ەلورداداعى ورىس ۇيىندە تاماشالاۋعا بولادى.

سونداي-اق 21 جانە 22 -ناۋرىز كۇندەرى بىرەگەي ەكسپوناتتار «ەكسپو» حالىقارالىق كورمە ورتالىعىنىڭ پاۆيلونىندا دا بارشاعا ۇسىنىلادى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى