ەلوردادا بالانى پىشاقتاعان جاس ءوسپىرىم قازىر قايدا وتىر

- استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ 2025 -جىلعى 12-اقپانداعى قاۋلىسىنا سايكەس 2010 -جىلى تۋعان جاس ءوسپىرىمدى تەرگەۋ شارالارى كەزىندە دەنساۋلىق ساقتاۋ جۇيەسىنىڭ مەكەمەسىنە، ياعني پسيحياتريالىق ستاتسيونارعا ورنالاستىرۋ تۇرىندەگى قاۋىپسىزدىك شاراسى قولدانىلدى. پاتسيەنتتى باقىلاۋدىڭ كۇشەيتىلگەن رەجيمى بەلگىلەندى، - دەدى قازاقستانداعى بالالار ومبۋدسمەنى دينارا زاكيەۆا.

ەسكە سالا كەتسەك، ەلوردادا جاس ءوسپىرىم ليفتى ىشىندە بالانى پىشاقتاپ تاستاعان ەدى. كەيىن بەلگىلى بولعانداي پىشاقپەن شابۋىلداعان جاس ءوسپىرىم ارنايى ەسەپتە تۇرعان.

دارىگەرلەر زارداپ شەككەن بالاعا دەرەۋ وتا جاساپ، پسيحولوگيالىق كومەك كورسەتتى.

سونداي-اق ەلوردالىق دارىگەرلەر جاس ءوسپىرىمنىڭ پىشاقپەن شابۋىلىنا ۇشىراعان 5 جاسار بالاقايدىڭ جاعدايى اۋىر ەكەنىن ايتقان ەدى.

ايتا كەتسەك، ەلىمىزدە مىنەز-قۇلقىندا پسيحيكالىق اۋىتقۋى بار قانشا بالا ەسەپتە تۇرعانى تۋرالى دەنساۋلىق ساقتاۋ مينيسترلىگىنىڭ سوڭعى مالىمەتتەرى جاريالانعان ەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى