ەلوردادا ايەل كوشەدەن تاۋىپ العان بانك كارتاسىمەن ساۋدا جاساعان
ەلوردادا ايەل كوشەدەن تاۋىپ العان بانك كارتاسىمەن ساۋدا جاساعان، - دەپ حابارلايدى جەرگىلىكتى پوليتسيانىڭ باسپا ءسوز قىزمەتى.
بوتەن ادامنىڭ بانك كارتاسىمەن تولەم جاسادى دەگەن كۇدىكپەن ەلوردانىڭ 48 جاستاعى تۇرعىنى ۇستالدى.
«تەرگەۋ بارىسىندا ايەل قالانىڭ سول جاق جاعالاۋىندا كوشەدەن باسقا بىرەۋدىڭ كارتاسىن تاۋىپ العانى بەلگىلى بولدى. ول بىردەن جاقىن ماڭايداعى ءدارىحاناعا بارىپ، 29 مىڭ تەڭگەگە ۆيتاميندەر ساتىپ العان»، - دەلىنگەن پوليتسيا حابارلاماسىندا.
جابىرلەنۋشى تەلەفونىنا اقشا اۋدارىمى تۋرالى حابارلاما كەلگەندە، كارتاسىن جوعالتقانىن ءتۇسىنىپ، پوليتسياعا حابارلاسقان.
بۇل دەرەك بويىنشا سوتالدى تەرگەۋ امالدارى جۇرگىزىلىپ جاتىر. ايەل ىستەگەن ءىسىن مويىنداعان. ونىڭ ەلوردا اۋماعىندا بۇرىن جاسالعان وسىعان ۇقساس باسقا دا قىلمىستارعا قاتىسى بار- جوعى انىقتالىپ جاتىر.
