ەلوردادا الداعى وقۋ جىلىندا قانشا مەكتەپ سالىنادى

- ءبىزدىڭ باسىم مىندەتتەرىمىزدىڭ ءبىرى - الەۋمەتتىك ينفراقۇرىلىمدى دامىتۋ. ولار - وقۋ ورىندارىنىڭ، مەديتسينالىق مەكەمەلەردىڭ، بالاباقشالاردىڭ، ستۋدەنتتەرگە ارنالعان جاتاقحانالاردىڭ، وقۋشىلار سارايلارىنىڭ، قوعامدىق كەڭىستىكتەردىڭ (ساياباقتار، گۇلزارلار، جەلەكجولدار)، اۋلالاردىڭ جانە ت. ب. قۇرىلىسى.

ماسەلەن، مەكتەپ تۋرالى ايتار بولساق، 2024-جىلى ءبىلىم وشاعىن 12,5 مىڭنان استام وقۋشى ءتامامدادى. ال سول ۋاقىتتا ءبىرىنشى سىنىپقا 28,5 مىڭنان استام بالا باردى. ءبىرىنشى سىنىپ وقۋشىلارىنىڭ سانى تۇلەكتەر سانىنان 2 ەسەدەن اسىپ تۇسەدى. تيىسىنشە قالادا جىل سايىن مەكتەپتەر سالۋ قاجەت، - دەدى استانا قالاسىنىڭ اكىمى.

جەڭىس قاسىمبەك قالانى ارالاۋ بارىسىندا م. تولەبايەۆ پەن بۋراباي، ش. قۇدايبەردى ۇلى داڭعىلى مەن ءى. جانسۇگىروۆ كوشەلەرىنىڭ قيىلىستارىندا، سول سياقتى ەگەمەن قازاقستان، يمانوۆ كوشەلەرىندە ورنالاسقان ءبىرقاتار مەكتەپتىڭ قۇرىلىس بارىسىمەن تانىسقانىن ايتتى.

سونداي-اق وسى وقۋ جىلىنىڭ باسىنان بەرى 24 وقۋ ورنىن سالىنىپ، قولدانىسقا بەرىلگەنى، بۇل - ەلوردا ءۇشىن رەكوردتىق كورسەتكىش ەكەنىن اتاپ ءوتتى.

- اتالعان مەكتەپتەر ەكى اۋىسىمدا 66 مىڭعا جۋىق وقۋشى ورنىن اشۋعا مۇمكىندىك بەردى. 24 وقۋ ورنىنىڭ – 16 سى جايلى مەكتەپ. «جايلى مەكتەپ» ۇلتتىق جوباسى اياسىندا مەملەكەت باسشىسىنىڭ تاپسىرماسى بويىنشا جاڭا فورماتتا 24 مەكتەپ سالىنادى. بۇل جايلى ءبىلىم وردالارى ەكى اۋىسىمدا 90 مىڭعا جۋىق وقۋشى ورنىن اشۋعا مۇمكىندىك بەرەدى.

جاڭا وقۋ جىلىندا تاعى 15 مەكتەپ اشۋدى جوسپارلاپ وتىرمىز. وقۋ ورىندارىنىڭ قۇرىلىسىنا دا جەكە قاراجات تارتامىز. سونىمەن قاتار جىل سايىن پەداگوگ ماماندىعىنا گرانتتار بولە وتىرىپ، كادرلار دايارلاۋمەن اينالىسامىز. قازىرگى ۋاقىتتا قالا اكىمدىگىنىڭ گرانتى بويىنشا ج و و- دا 2 مىڭ 200 گە جۋىق ادام ءبىلىم الىپ ءجۇر، - دەپ جازدى ج. قاسىمبەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى