ەلورداعا كىرە بەرىس جولدارعا بلوكپوستتار قويىلا ما - ەرجان سادەنوۆ جاۋابى

«بىزدە ەمىن-ەركىن جۇرۋگە مۇمكىندىك بەرىلگەن. استانانى شەكتەۋ - قاجەتى جوق دۇنيە. جەدەل قاداعالاۋعا جەتكىلىكتى قۇرالىمىز بار. زاڭ بۇزۋشىلارعا قاتىستى اقپاراتتارىمىز بار. كۇشىمىز دە، قۇرالدارىمىز دا جەتكىلىكتى»، - دەدى مينيستر ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، استانا توڭىرەگىنە بلوكپوستتار قويۋدىڭ ەش قاجەت جوق.

«بۇرىن بولعان، كەيىن الىپ تاستادىق. دەگەنمەن، نەگىزگى تاس جولداردا بار. ال قالانى جابۋ قاجەتتىلىگىن كورىپ وتىرعانىم جوق»، - دەدى ەرجان سادەنوۆ.

ەستەرىڭىزگە سالا كەتسەك، ەلوردا ءماسليحاتىنىڭ دەپۋتاتى ازامات ايتحوجين ەلوردادا قىلمىستى تومەندەتۋ ءۇشىن قالاعا كىرە بەرىس جولداردا بلوكپوستتار ورناتۋدى ۇسىنعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى