ەلوردا «تۇركى الەمىنىڭ قارجى ورتالىعى» دەگەن مارتەبەگە يە بولدى

ەلىمىزدىڭ ت م ۇ- داعى ءتوراعالىعى تۋرالى ايتا كەلە، مەملەكەت باسشىسى ءوڭىرارالىق ساۋدانى كەڭەيتۋ جانە ەكونوميكاعا ينۆەستيتسيا سالۋ قاجەتتىگىن ەرەكشە اتاپ ءوتتى.

«بۇل ىستە تۇركى ينۆەستيتسيالىق قورى ەرەكشە ءرول اتقارادى. ەكونوميكالىق بايلانىستاردى نىعايتۋ ءۇشىن «جاسىل» قارجىلاندىرۋ نارىعىن دامىتۋ قاجەت. بەلگىلى بولعانداي، قازاقستان تۇركى «جاسىل» قارجى كەڭەسىن قۇرۋدى ۇسىنعان بولاتىن. استاناعا تۇركى الەمىنىڭ قارجى ورتالىعى مارتەبەسىن بەرۋ تۋرالى باستاما قولداۋ تاپتى»، - دەدى پرەزيدەنت.

مارتەبە بەرۋ تۋرالى شەشىم 2021 -جىلى ىستامبۇل ءسامميتى بارىسىندا بەكىتىلگەن «تۇركى الەمىنىڭ قالالارىنا بەلگىلى ءبىر مارتەبە بەرۋ تۋرالى ەرەجە» نەگىزىندە قابىلداندى. قۇجات ت م ۇ- عا مۇشە ەلدەردىڭ قالالارىنا ءتيىستى مارتەبە بەرۋ كريتەريلەرىن بەلگىلەيدى. اتاپ ايتقاندا، كانديدات قالا تۇركى الەمىنىڭ ساياسي، ساۋدا، عىلىمي نەمەسە مادەني ورتالىعى بولىپ، تاريح بويىنا تۇركى وركەنيەتىنىڭ دامۋىندا ماڭىزدى ءرول اتقارعان بولۋى ءتيىس ەدى.

ەلوردا «قارجى استاناسى» رەتىندە بەكەر تاڭدالماعان، استانانىڭ ماڭىندا ەرتە ورتاعاسىرلاردان بەرى (VIII- XVI) وعىز بەن قىپشاق ورداسى بولعان. بوزوق دەپ اتالعان قالاشىق دالالىق كەرۋەن جولدارىن باقىلايتىن ساۋدا مەن قارجى كەنتىنە اينالدى.

باس قالامىزدا العاش رەت ينفراقۇرىلىمدى دامىتۋعا جانە حالىقارالىق كولىك دالىزدەرىن قارجىلاندىرۋعا باعىتتالعان «بەلدەۋ جانە جول» جوباسىن قۇرۋ باستاماسى جاريالانعان بولاتىن. «ورتا ءدالىز» بويىنشا Caspian Integrated Maritime Solutions جانە KPMC سياقتى ينفراقۇرىلىمدىق جوبالارى «استانا» حالىقارالىق قارجى ورتالىعىندا (ا ح ق و) قۇرىلىمدالعان ەدى.

ا ح ق و جانىنداعى جاسىل قارجى ورتالىعى (ج ق و) - ورتالىق ازياداعى «بەلدەۋ جانە جول» باستاماسى ءۇشىن جاسىل ينۆەستيتسيالار قاعيداتتارىنىڭ وڭىرلىك كەڭسەسى. ج ق و وڭىردە تۇراقتى قارجىلاندىرۋدى دامىتۋعا جاردەمدەسەدى. ورتالىقتىڭ قولداۋىمەن قىرعىزستاندا دەبيۋتتىك جاسىل جانە الەۋمەتتىك وبليگاتسيالار شىعارىلدى.

استانامىز - الەم قارجى ورتالىقتارىنىڭ Global Financial Centres Index يندەكسىنە سايكەس شىعىس ەۋروپا جانە ورتالىق ازيا ءوڭىرىنىڭ كوشباسشىسى. قالامىزدىڭ رەيتينگكە قوسىلۋىنا ينۆەستورلار مەن بيزنەس ءۇشىن قارجى حابى رەتىندە ارەكەت ەتەتىن جانە ورتالىق ازيا مەن ودان تىس جەرلەردە كومپانيالاردىڭ دامۋى ءۇشىن ەكوجۇيەنى ۇسىناتىن ا ح ق و- نىڭ قىزمەتى ىقپال ەتتى.

ا ح ق و قارجى قىزمەتتەرىن رەتتەۋ كوميتەتى اقپارات الماسۋ، ۇيىمداردىڭ قىزمەتىن قاداعالاۋ جانە رەتتەۋ ماقساتىندا تۇركيا مەن قىرعىزستاندى قوسا العاندا، ت م ۇ- عا مۇشە ەلدەردىڭ قارجى رەتتەۋشىلەرىمەن ءبىرقاتار كەلىسىم مەن مەموراندۋم جاساستى.

استاناعا تۇركى الەمىنىڭ قارجى ورتالىعى مارتەبەسىن بەرۋ ەلدىڭ الەۋەتىن جانە ونىڭ ينۆەستيتسيالىق مۇمكىندىكتەرىن كورسەتە وتىرىپ، قالانىڭ وڭىردەگى ەكونوميكالىق جانە قارجى ورتالىعى رەتىندەگى ۇستانىمىن نىعايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى