ەلوردا اكىمى قالادا سۋ شاياتىن ءتورت قانا ۋچاسكە قالعانىن ايتتى

- كوكتەمدە تاۋلىگىنە قۋاتتىلىعى 188 مىڭ تەكشە مەتر، ەكىنشى كارىز-تازارتۋ قۇرىلعىلارىنىڭ قۇرىلىسىن باستايمىز. سونىمەن قاتار، سۋ بۇرۋدى قامتاماسىز ەتۋ ماقساتىندا «كوكتال»، «ءوندىرىس» تۇرعىن اۋداندارىندا جانە يندۋستريالىق پارك اۋدانداردا قوسىمشا جالپى قۋاتتىلىعى شامامەن تاۋلىگىنە 85 مىڭ تەكشە مەتر بولاتىن ءۇش جەرگىلىكتى تازارتۋ قۇرىلعىلارىنىڭ جوبالارى ازىرلەنىپ جاتىر. قۇرىلىستى كەلەسى جىلى باستالادى دەپ وتىرمىز، - دەدى جەڭىس قاسىمبەك ەلوردانىڭ الەۋمەتتىك-ەكونوميكالىق دامۋى تۋرالى ەسەپ بەرە تۇرىپ.

اكىمنىڭ مالىمدەۋىنشە، 2019-جىلى قالادا سۋ جيى شاياتىن 245 ۋچاسكە بولدى.

- كارىز جۇيەلەرىن سالۋ جانە قولدانىستاعى كارىز جەلىلەرىن تازارتۋ مەن قايتا جاڭعىرتۋ ارقىلى قازىرگى ۋاقىتتا تەك 4 ۋچاسكەنىڭ ماسەلەسىن شەشۋ قالدى (رىسقۇلوۆ كوشەسى، تۇران داڭعىلى، تريۋمف اركاسى، قورعالجىن تاس جولى). وتكەن ماۋسىمداعى ەڭ پروبلەمالى ۋچاسكەلەر تۇران داڭعىلى مەن تريۋمف اركاسى اۋدانى بولدى. وسىعان وراي قىسىمدى ازايتىپ، اعىندى كەڭەيتۋ جۇمىستارىن جۇرگىزىپ جاتىرمىز. كەلەسى جىلى جاڭا تازارتۋ قۇرىلعىلارىنىڭ قۇرىلىسىن باستايمىز. كوكتەمدە ۇلكەن سۋ شايۋ بولماۋى ءتيىس، - دەپ سەندىردى ەلوردا اكىمى.

وسىعان دەيىن ەلوردا اكىمىنىڭ جالپى وڭىرلىك ءونىمنىڭ ءبىرىنشى جارتىجىلدىقتىڭ قورىتىندىسى بويىنشا %7 قۇراعانى تۋرالى ايتقانىن جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى