ەلوردا اۋەجايىنان 57 ميلليون تەڭگەنىڭ زەرگەرلىك بۇيىمدارىن الىپ وتپەك بولعان ازامات ۇستالدى
تۇركيادان كونتراباندالىق زەرگەرلىك بۇيىمداردى اكەلىپ، ەلوردا اۋەجايىنان كەدەرگىسىز ءوتۋ ءۇشىن پارا بەرمەك بولعان ازاماتقا قاتىستى سوتقا دەيىنگى تەرگەپ- تەكسەرۋ جۇمىستارى باستالدى، دەپ حابارلايدى Kazinform قارجى مونيتورينگى اگەنتتىگىنە سىلتەمە جاساپ.
ق م ا ەلوردالىق دەپارتامەنتىنىڭ قىزمەتكەرلەرى انىقتاعانداي، برەندتىك زەرگەرلىك بۇيىمداردىڭ قۇنى 57 ميلليون تەڭگەنى قۇرايدى.
سونىمەن قاتار اتالعان ازامات باگاجدى وتكىزگەنى، تەكسەرگەنى جانە كەدەرگىسىز كەدەندىك رەسىمدەگەنى ءۇشىن ەلوردا اۋەجايىنىڭ كەدەن بەكەتىندەگى لاۋازىمدى تۇلعاعا 860 مىڭ تەڭگە پارا بەرگەن.
سوت كۇدىكتىلەرگە ەكى ايعا دەيىن قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
ق ر ق پ ك- ءنىڭ 201-بابىنا سايكەس، وزگە مالىمەتتەر تەرگەۋ مۇددەسى اياسىندا جاريا ەتىلۋگە جاتپايدى.
