لوندوندىق تانىمال رەجيسسەر پاۆلودار تەاترىنىڭ اكتەرلەرىمەن پرەمەرا دايىنداپ جاتىر

بيىلعى ماۋسىمدا تانىمال ماماننىڭ اتسالىسۋىمەن پاۆلودارلىق ساحنادا جاڭا پرەمەرا ۇسىنىلادى.

وۆلياكۋلي حودجاكۋلي 1959-جىلى تۇرىكمەنستاندا دۇنيەگە كەلگەن. ورتالىق ازيا جانە ەۋروپا ەلدەرىنە تانىمال رەجيسسەر. ول گەورگي توۆستونوگوۆ جانە ميحايل تۋمانيشۆيليدىڭ شىعارماشىلىق زەرتحانالارىندا تاجىريبەدەن وتكەن، سونداي-اق اعىلشىن رەجيسسەرى پيتەر برۋكتىڭ شەبەرلىك ساعاتتارىنا قاتىسقان. قازىرگى ۋاقىتتا لوندون قالاسىندا تۇرادى. ونىڭ رەجيسسەرلىگىمەن 90 نان استام قويىلىمدار، كونسەرتتەر مەن فيلمدەر تۇسىرىلگەن. تۇركيا، حورۆاتيا، رۋمىنيا، پولشا، گەرمانيا، فينليانديا، يتاليا، شۆەيتساريا، فرانسيا، ءۇندىستان، جاپونيا، وڭتۇستىك كورەيا، رەسەي، ۇلى بريتانيا ەلدەرىندە وتكەن حالىقارالىق تەاتر فەستيۆالدەرىنە قاتىسىپ، ماراپاتتارعا يە بولعان.

قازىرگى ۋاقىتتا مامان ورتالىق ازيا جانە ەۋروپا ەلدەرىنىڭ ءتۇرلى تەاتر ۇجىمدارىندا تاۋەلسىز رەجيسسەر رەتىندە ەڭبەك ەتىپ كەلەدى.

كاسىبي مامان ايماۋىتوۆ تەاترىندا دايىندىق جۇمىستارىن باستاپ كەتتى. 36-ماۋسىمدا تەاترىمىزدا بەرتولد برەحتتىڭ مەكتەبى بويىنشا جاڭا پرەمەرا قويىلادى دەپ كۇتىلىپ وتىر.

ەسكە سالا كەتەيىك، پاۆلوداردا قازاق تەاترى رەسپۋبليكالىق سىنشىلار جۇلدەسىنە يە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى