ۇلتتىق سيفرلىق مۇراعات قۇرۋ كەرەك - قۇرىلتاي
بۋراباي. KAZINFORM - ۇلتتىق سيفرلىق مۇراعات قۇرىپ، ونى ەلىمىزدەگى جانە شەتەلدەردەگى نەيروجۇيە جاساۋشىلاردىڭ ەركىن پايدالانۋىنا مۇمكىندىك بەرۋ كەرەك. بۇل تۋرالى بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى.
- تانىمال سەرۆيستەرگە قازىرگى زامانعى قازاقستان تۋرالى سۋرەت نەمەسە ۆيدەو ازىرلەۋگە سۇرانىس بەرسەك، كوبىنەسە شىندىققا جاناسا بەرمەيتىن ءونىم ۇسىنادى. سەبەبى جاھاندىق نەيروجۇيەلەر ءبىزدىڭ تاريحىمىزدى، مادەنيەتىمىز بەن سالت-ءداستۇرىمىزدى تولىق بىلمەيدى. ازىرگە ينتەرنەت كەڭىستىگىندە قازاقستان تۋرالى الەمنىڭ كەڭ تارالعان تىلدەرىندەگى، اسىرەسە، اعىلشىن تىلىندەگى اقپاراتتار كوپ ەمەس. ۇكىمەت قولدا بار وراسان زور دەرەكتەردى، سونىڭ ىشىندە مۇراعاتتار مەن انىقتامالىق مالىمەتتەردى، عىلىمي زەرتتەۋلەردى، يلليۋستراتسيالار مەن فوتوسۋرەتتەردى، مۋزىكالىق شىعارمالاردى جانە ونەر تۋىندىلارىن سيفرلىق فورماتقا كوشىرۋ جۇمىسىن باستاپ كەتتى. ۇلتتىق سيفرلىق مۇراعات قۇرىپ، ونى ەلىمىزدەگى جانە شەتەلدەردەگى نەيروجۇيە جاساۋشىلاردىڭ ەركىن پايدالانۋىنا مۇمكىندىك بەرۋ كەرەك، - دەدى قاسىم-جومارت توقايەۆ.
بۇدان بۇرىن حابارلانعانداي، پرەزيدەنت قوعامدا قىزۋ تالقىلانىپ جاتقان سالىق رەفورماسىنا قاتىستى پىكىرىن ايتتى.
