ۇلتتىق قوردان بولىنەتىن بالالارعا ارنالعان نىسانالى جيناقتار كىرىس رەتىندە قاراستىرىلاما
بۇگىن ءماجىلىستىڭ جالپى وتىرىسىندا «سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» كودەكسكە جانە «سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» كودەكستى قولدانىسقا ەنگىزۋ تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭى مەن ىلىسپە قۇجات ەكىنشى وقىلىمدا قابىلداندى، دەپ حابارلايدى Kazinform.
«زاڭ جوبالارى مەملەكەت باسشىسىنىڭ جەكەلەگەن تاپسىرمالارىنىڭ ورىندالۋىن زاڭنامالىق قامتاماسىز ەتۋ ماقساتىندا ازىرلەندى، سونداي-اق، كونستيتۋتسيالىق سوتتىڭ 2023-جىلعى 22-اقپانداعى نورماتيۆتىك قاۋلىسىن ىسكە اسىرۋعا، سالىق زاڭناماسىنىڭ كەيبىر نورمالارىن جاقسارتۋعا جانە ناقتىلاۋعا باعىتتالعان»، - دەدى دەپۋتات مۇرات ەرگەشبايەۆ.
وسى زاڭ جوباسى اياسىندا مىنالار ۇسىنىلدى:
- ۇلتتىق قوردان بولىنەتىن بالالارعا ارنالعان نىسانالى جيناقتاردى كىرىس رەتىندە قاراستىرماۋ؛
- كوللەكتورلىق اگەنتتىك، ميكروقارجى ۇيىمدارى بەرەشەكتەرىن كەشىرگەن كەزدە، جەكە تۇلعانىڭ كىرىسى رەتىندە قاراستىرماۋ؛
- جەكە تۇلعالاردىڭ ميكروكرەديتتەرى بويىنشا بەرەشەكتەرىن ەسەپتەن شىعارۋعا بايلانىستى، ميكروقارجى ۇيىمدارىنىڭ كىرىستەرىن سالىق سالۋدان ۋاقىتشا ءۇش جىلعا بوساتۋ.
بيىلدىڭ 18- قازانىندا زاڭ جوبالارى پارلامەنت ءماجىلىسىنىڭ جالپى وتىرىسىندا ءبىرىنشى وقىلىمدا قابىلدانعان بولاتىن.
نەگىزگى زاڭ جوباسىن قاراستىرۋ كەزىندە دەپۋتاتتاردىڭ كەيبىر ۇسىنىستارى ەسكەرىلدى. قازاقستان رەسپۋبليكاسىنىڭ ازاماتتارى كونستيتۋتسيالىق سوتقا ارىز بەرۋ بارىسىندا مەملەكەتتىك باجدى تولەمەيدى. قۇجاتتا باجدىڭ مولشەرى نولدىك ستاۆكادا بەلگىلەندى.
سونىمەن قاتار، بۋكمەكەرلىك كەڭسە جانە توتاليزاتور قىزمەتىن جۇزەگە اسىراتىن ويىن بيزنەسىن ۇيىمداستىرۋشىلاردىڭ اپپاراتتىق-باعدارلامالىق كەشەندەرىن سالىق ورگانىنىڭ اقپاراتتىق جۇيەلەرىمەن ينتەگراتسيالانۋدى قامتاماسىز ەتۋ جونىندەگى مىندەت ەنگىزۋ قاراستىرىلعان.
ىلەسپە زاڭ جوباسى اياسىندا ازاماتتىق پروتسەستىك، اكىمشىلىك راسىمدىك-پروتسەستىك كودەكستەرگە جانە «ارنايى ەكونوميكالىق جانە يندۋستريالىق ايماقتار تۋرالى» زاڭعا وزگەرىستەر مەن تولىقتىرۋلار ەنگىزىلەدى.
اتاپ ايتقاندا، ارنايى ەكونوميكالىق جانە يندۋستريالىق ايماقتاردىڭ قاتىسۋشىلارى مەن باسقارۋشى كومپانيالارى ءۇشىن ولاردىڭ جوبالارىنىڭ قۇنىنا قاراي سالىقتىق جەڭىلدىكتەر بەرۋدىڭ سارالانعان ءتاسىلىن ەنگىزۋ ۇسىنىلدى.
