ۇلتتىق قوردان بالاعا بەرىلەتىن اقشا قانداي جاعدايدا تۋىستارىنا بەرىلەدى؟
ۇلتتىق ەكونوميكا ءمينيسترى الىبەك قۋانتىروۆ ۇلتتىق قوردان بالاعا اۋدارىلاتىن اقشا قانداي جاعدايدا تۋىستارىنا بەرىلەتىنىن ءتۇسىندىردى.
ءماجىلىستىڭ جالپى وتىرىسىنان سوڭ ب ا ق وكىلدەرى مينيسترگە «بالا 18 جاسقا دەيىن قايتىس بولسا، ۇلتتىق قورداعى قاراجات ونىڭ اتا-اناسى نەمەسە باۋىرلارىنا بەرىلە مە؟» دەپ ساۋال جولدادى.
الىبەك قۋانتىروۆ ماسەلە زاڭ جوباسىندا قاراستىرىلعانىن اتاپ ءوتتى.
«العاشىندا ءبىز تۇجىرىمدامانى ازىرلەگەندە اقشانى (ۇلتتىق قورعا) قايتارۋدى كوزدەيتىن نورما بولدى. سودان سوڭ (بالا قايتىس بولعان جاعدايدا ۇلتتىق قوردان وعان بەرىلەتىن - اۆتور) اقشا اتا-اناسىندا قالادى نەمەسە سول وتباسىنداعى باسقا بالالاردىڭ اراسىندا بولىنەدى دەگەن شەشىمگە كەلدىك»، - دەدى ول.
سونداي-اق ۆەدومستۆو باسشىسى بۇل اقشانى تەك باسپانا الۋعا نەمەسە جوعارى ءبىلىم الۋعا جۇمساۋعا بولاتىنىن جەتكىزدى.
