«ۇلتتىق قور - بالالارعا» جوباسىنا اتا-انالار قانداي قۇجات جينايدى
ەلوردا تۇرعىندارىنا «ۇلتتىق قور-بالالارعا» جوباسىنا قاتىسۋ تالاپتارى ءتۇسىندىرىلىپ جاتىر، دەپ حابارلايدى Kazinform.
اتالعان جوباعا قاتىسۋ ءۇشىن اتا-انالار قانداي قۇجات جيناۋى كەرەك دەگەن سۇراققا قارجى ۆيتسە-ءمينيسترى داۋرەن تەمىربەكوۆ جاۋاپ بەردى جانە اتا-انالارعا ەشقانداي قۇجات جيناۋدىڭ قاجەتى جوق ەكەنىن ايتتى.
«بارلىق بالا قاتىسادى. ەشقايدا بارۋدىڭ قاجەتى جوق، تۇتاس پروتسەسس اۆتوماتتاندىرىلعان. ءبىرىڭعاي جيناقتاۋشى قور ادىلەت مينيسترلىگىمەن بىرلەسىپ، ءتيىستى ينتەگراتسيالىق جۇمىس جۇرگىزەدى. 18 جاسقا دەيىن قاراجات ۇلتتىق قوردا ساقتالادى. 18 جاسقا تولعاننان كەيىن عانا بۇل سوما شوتتارعا اۋدارىلادى. سودان كەيىن بۇل قاراجاتتى بىرنەشە ماقساتتا پايدالانۋعا بولادى»، - دەدى داۋرەن تەمىربەكوۆ بريفينگتە.
سونداي-اق «ب ج ز ق» ا ق باسقارۋشى ديرەكتورى مۇرات ءشارىپوۆ قاراجاتتى تولەۋ دوللارمەن جۇرگىزىلەتىنىن ايتتى. بازادا بالانىڭ دەرەكتەرى بار، سوندىقتان ب ج ز ق دەرەكتەردىڭ سايكەستىگىن جۇرگىزەدى جانە سومانى ەسەپتەيدى.
