ۇلتتىق قاۋىپسىزدىك كوميتەتى نازاربايەۆ ۋنيۆەرسيتەتىنەن 12 ميلليون تەڭگە ءوندىردى
استانا. KAZINFORM - ۇلتتىق قاۋىپسىزدىك كوميتەتى استانا قالاسىنىڭ اۋدانارالىق مامانداندىرىلعان ەكونوميكالىق سوتىندا نازاربايەۆ ۋنيۆەرسيتەتىن جەڭىپ شىقتى.
«قازاقستان رەسپۋبليكاسى ۇلتتىق قاۋىپسىزدىك كوميتەتى» ر م ك تالاپ ارىزى قاناعاتتاندىرىلسىن. «نازاربايەۆ ۋنيۆەرسيتەتى» اۆتونومدى ءبىلىم بەرۋ ۇيىمىنان مەملەكەتتىڭ كىرىسىنە 12038750 (ون ەكى ميلليون وتىز سەگىز مىڭ جەتى ءجۇز ەلۋ) تەڭگە، مەملەكەتتىك باجعا 361132 (ءۇش ءجۇز الپىس ءبىر مىڭ ءجۇز الپىس ەكى) تەڭگە ءوندىرىلسىن»، - دەلىنگەن سۋديا اسان باكيشيەۆتىڭ شەشىمىندە.
سونداي- اق، اتالمىش شەشىمگە اپەللياتسيالىق شاعىم تۇسىرۋگە بولاتىنى ايتىلعان.
ءىس ماتەريالىنا جۇگىنسەك، 2021 -جىلدىڭ 13-شىلدەسىندە ۇلتتىق قاۋىپسىزدىك كوميتەتى «نازاربايەۆ ۋنيۆەرسيتەتى» اۆتونومدى ءبىلىم بەرۋ ۇيىمىمەن عىلىمي-زەرتتەۋ جۇمىسىن ماقساتتى باعدارلامامەن قارجىلاندىرۋ تۋرالى كەلىسىمشارت جاساعان. زەرتتەۋ تاقىرىبى - ينتەللەكتۋالدىق كريپتوگرافيالىق جۇيەلەر: اپپارات- باعدارلامالىق ازىرلەمە. زەرتەۋ مەرزىمى - 2023 -جىلدىڭ اياعىنا دەيىن.
جالپى جوبانى قارجىلاندىرۋ كولەمى 120383750 تەڭگە بولعا. كەلىسىمشارت مەرزىمى كەشىكتىرىلگەنى ءۇشىن ۋنيۆەرسيتەت ۇ ق ك- گە وسى سومانىڭ 10 پايىزىن ءوسىمپۇل رەتىندە تولەيتىن بولدى.
اۆتور
ەسىمجان ناقتىباي
