ۇلتتىق كينو تۋرالى زاڭعا وزگەرىستەر ەنگىزىلەدى
ۇلتتىق فيلمدەرگە قاتىستى زاڭ جوباسى قايتا قارالادى، دەپ حابارلايدى قازاقپارات ءتىلشىسى.
«ءبىز قازىر ەكى باعىتتا جۇمىس ىستەپ جاتىرمىز. بىرىنشىدەن، زاڭدى قايتا قاراۋ، سەبەبى قازىرگى زاڭنىڭ ءالسىز تۇستارى بار. وسى باعىتتا وزگەرىس كەرەك. زاڭ ارقىلى ءبىز جۇيەنى قۇرامىز. ەكىنشىدەن، كينوعا قاتىستى ماسەلە تەك رەجيسسەر مەن پروديۋسەرگە قاتىستى ەمەس. ماسەلە كەڭ اۋقىمدى، ونى جيناقتاۋ كەرەك. ءبىز قازىر سونىمەن اينالىسىپ جاتىرمىز، سوندا عانا ۇزاق مەرزىمدى جوسپاردى قۇرامىز»، - دەدى ۇلتتىق فيلمدەردى قولداۋ مەملەكەتتىك ورتالىعىنىڭ باسقارما ءتوراعاسى قۇرمانبەك جۇماعالي Jibek joly تەلەارناسىنا بەرگەن سۇحباتىندا.
