ۇلتتىق كەڭەستى ۇلتتىق قۇرىلتايعا اينالدىرۋ نە بەردى - اندرەي چەبوتاريەۆتىڭ پايىمى

- مەن ۇلتتىق قوعامدىق سەنىم كەڭەسىنىڭ مۇشەسى بولعان كەزدە ءبىر عانا جۇمىس فورماتى بولدى. وندا ءبىز پارتيالىق جۇيە، سايلاۋ جۇيەسى، جەرگىلىكتى باسقارۋ سياقتى ناقتى رەفورمالار بويىنشا ناقتى ۇسىنىستار جازعان ەدىك. زاڭ جوبالارىن ازىرلەۋگە قاتىستىق. بۇل شىنىمەن قۇقىقتىق باعىتتاعى جۇمىس بولدى. مەملەكەت باسشىسى 2022-جىلى ۇلتتىق كەڭەس ءوز ميسسياسىن ورىنداعانىن ايتىپ، ۇلتتىق قۇرىلتاي دەيتىن جاڭا فورمات ەنگىزىلەتىنىن ايتتى. ەندى سونىڭ جۇمىسى مۇلدەم باسقا فورماتتا ەكەنىن كورىپ وتىرمىز، - دەيدى ول.

ساياسات تانۋشى ۇلتتىق كەڭەستىڭ قۇرامى ۇلتتىق قۇرىلتاي قۇرامىنان ەكى ەسە از بولعانىن ايتادى.

- بۇل فورماتتىڭ جاقسى تۇسى - ايماقتارداعى قوعامدىق كەڭەستەردىڭ وكىلدەرى قۇرىلتايعا تارتىلعان. ايماقتارداعى پروبلەمالار مەن ۇتىمدى باستامالاردى سولار ارقىلى ءبىلىپ وتىرۋعا مۇمكىندىك بار. ەڭ باستىسى، بۇل ۆەرتيكالدى ديالوگ ەمەس. پرەزيدەنت، قۇرىلتاي مۇشەلەرى، بيلىك پەن قوعام بولىپ ءبىر الاڭدا بەتپە- بەت وتىرىپ تىلدەسەمىز، - دەيدى ساياساتتانۋشى.

سونداي-اق، ول كەڭەيتىلگەن فورماتتاعى ديالوگقا ساياسي پارتيالار بەلسەندى قاتىسىپ جاتقانىن اتاپ ءوتتى.

- ۇلتتىق قۇرىلتاي مۇشەسى قوعامدىق كەلىسىمنىڭ بۇل فورماتى ازاماتتاردى بيلىككە جاقىن نەمەسە وپپوزيتسيا وكىلى دەپ بولمەيتىنىن ايتادى. مۇندا تەك بيلىك قۇرىلىمدارىنىڭ وكىلدەرى عانا ەمەس، قازاقستاندىق وپپوزيتسيانىڭ سىرالعى وكىلى، «دات» گازەتىنىڭ باسپاگەرى ەرمۇرات ءباپي دە بار. قازىر ول ماجىلىستە ءوز پىكىرىن اشىق ايتىپ ءجۇر. وزدەرىن وپپوزيتسيالىق پارتيامىز دەپ ەسەپتەيتىن ج س د پ- نىڭ وكىلدەرى دە بار. ياعني، پارتيالاردىڭ ءبارى ۇلتتىق قۇرىلتايدان تىس قالماعان، - دەيدى اندرەي چەبوتاريەۆ.

ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكتسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.

بۇعان دەيىن مادەنيەت جانە اقپارات ءمينيسترى ايدا بالايەۆا جيىننىڭ العاشقى كۇنىندە ايتىلعان ۇسىنىستار تۋرالى مالىمەت بەرگەن ەدى.

ال عىلىم جانە جوعارى ءبىلىم ءمينيسترى ساياسات نۇربەك ۇلتتىق قۇرىلتايدىڭ 4-وتىرىسى اياسىندا قازاقستان تاريحىنىڭ جاڭا اكادەميالىق باسىلىمىن ازىرلەنەتىنىن ايتتى.

2022-جىلى ۇلتتىق قۇرىلتاي العاش جاندانعاننان بەرى ەلدەگى الەۋمەتتىك-ەكونوميكالىق ماسەلەلەر شەشىم تاۋىپ كەلەدى. جىل وتكەن سايىن تاقىرىپ اياسى كەڭىدى، ايتىلاتىن سالماقتى وي ۇلعايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى