«ۇلتتىق جانە ات سپورتى تۇرلەرى ورتالىعىنىڭ» جاڭا ديرەكتورى تاعايىندالدى
استانا. KAZINFORM - تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنە قاراستى «ۇلتتىق جانە ات سپورتى تۇرلەرى ورتالىعى» ديرەكتورى لاۋازىمىنا پازىلبەك قايرات تاعايىندالدى.
بۇل تۋرالى تۋريزم جانە سپورت مينيسترلىگىنىڭ باسپا ءسوز قىزمەتى حابارلادى.
بۇعان دەيىن ول قازاق كۇرەسى بويىنشا اعا جاتتىقتىرۋشى قىزمەتىن اتقارعان.
پازىلبەك قايرات قازاق كۇرەسىنەن قازاقستان رەسپۋبليكاسىنىڭ سپورت شەبەرى، ۇلتتىق ساناتتاعى تورەشى، قازاق كۇرەسىنەن تورەشىلەر القاسىنىڭ ءتوراعاسى، سونداي-اق «قازاقستان بارىسى» رەسپۋبليكالىق تۋرنيرىنىڭ باس تورەشىسى بولعان.
سونداي-اق ول «دەنە شىنىقتىرۋ جانە سپورتتى دامىتۋعا سىڭىرگەن ەڭبەگى ءۇشىن» توسبەلگىسىمەن (2023 ج.) جانە «ەرەن ەڭبەگى ءۇشىن» توسبەلگىسىمەن (2024 ج.) ماراپاتتالعان.
ايتا كەتەلىك بۇگىن تۋريزم جانە سپورت ءمينيسترى ەربول مىرزابوسىنوۆ حالىقارالىق اۋىر اتلەتيكا فەدەراتسياسىنىڭ (IWF) پرەزيدەنتى مۇحاممەد حاسان دجالۋد ءال-شامماري جانە ازيا اۋىر اتلەتيكا فەدەراتسياسىنىڭ تەحنيكالىق كوميتەتى ءتورايىمى ولگا سولوۆيەۆامەن كەزدەسكەن ەدى.
