ۇلتتىق بانك تەڭگە باعامىن قولداۋ ءۇشىن ۇلتتىق قوردان 7,5 ميلليارد دوللار ساتقان
قازان ايىندا تەڭگەنى قولداۋ ءۇشىن ۇلتتىق قوردان 1,5 ميلليارد دوللار ساتىلعان. بۇل تۋرالى ۇلتتىق بانك ءتوراعاسىنىڭ ورىنباسارى دانيار ۆاگاپوۆ ۇكىمەت وتىرىسىندا ايتتى، دەپ حابارلايدى Kazinform اگەنتتىگى.
«ۇلتتىق قوردان رەسپۋبليكالىق بيۋدجەتكە ترانسفەرتتى قامتاماسىز ەتۋ اياسىندا ۆاليۋتا ساتۋ تەڭگەگە قولداۋ كورسەتتى. جىل باسىنان بەرى 7,5 ميلليارد ا ق ش دوللارى ساتىلدى. قازان ايىندا 1,5 ميلليارد دوللار بولدى. ۇلتتىق بانك ەركىن باعام بەلگىلەۋ رەجيمىن ۇستانا بەرەدى جانە ۆاليۋتالىق ينتەرۆەنتسيالار جۇرگىزبەيدى»، - د. ۆاگاپوۆ.
ۇلتتىق بانك باسشىسىنىڭ ورىنباسارى قازان ايىنىڭ سوڭىندا ەلدىڭ حالىقارالىق رەزەرۆى 90,3 ميلليارد دوللار بولعانىن ايتتى.
«ۇلتتىق بانكتىڭ التىن- ۆاليۋتا رەزەرۆتەرى جىل باسىنان بەرى 34,0 ميلليارد ا ق ش دوللارىنا دەيىن، ياعني، % 3,1 تومەندەدى. بۇل ۇلتتىق بانكتىڭ ۆاليۋتالىق شوتتارىنداعى ەكىنشى دەڭگەيلى بانكتەر قاراجاتىنىڭ ازايۋىنا بايلانىستى. وعان قارجى مينيسترلىگىنىڭ مىندەتتەمەلەرىن تولەۋ ماقساتىندا التىن- ۆاليۋتا رەزەرۆتەرىن كونۆەرتاتسيالاۋ دا سەبەپ بولدى»، - دەدى دانيار ۆاگاپوۆ.
اۆتور
ەسىمجان ناقتىباي
