ۇلتتىق بانك ەسكى ۇلگىدەگى ا ق ش دوللارلارىن ساتىپ الۋعا قاتىستى مالىمدەمە جاسادى
استانا. قازاقپارات - 4-اقپاندا ۇلتتىق بانك ەسكى ۇلگىدەگى قولما-قول ا ق ش دوللارلارىن ساتىپ الۋ ماسەلەسىنە قاتىستى مالىمدەمە جاسادى.
- 2024-جىلى ۇلتتىق بانك سۇرانىستان تىس قالعان ەسكى ۇلگىدەگى قولما-قول ا ق ش دوللارلارىن كەيىن شەتەلگە شىعارۋ ءۇشىن ەكىنشى دەڭگەيلى بانكتەردەن ساتىپ الۋ تۋرالى شەشىم قابىلدادى. شەتەلدىك كونترسەرىكتەستەردىڭ نارىقتىق باعامى نەگىزىندە كوميسسيالىق سىياقى بەلگىلەندى. وتكەن جىلدىڭ سوڭىندا ۇلتتىق بانك 48 ميلليون ا ق ش دوللارى سوماسىنا ە د ب- دان قابىلدانعان سۇرانىستا جوق قولما-قول ا ق ش دوللارلارىن شىعاردى. جۇرگىزىلگەن جۇمىستىڭ ناتيجەسىندە ۇلتتىق بانك تىكەلەي ا ق ش- تىڭ فەدەرالدى رەزەرۆتىك جۇيەسىمەن ەسكى ۇلگىدەگى قولما-قول ا ق ش دوللارلارىن قابىلداۋ جونىندە ۋاعدالاستىققا قول جەتكىزدى. بۇل ءوز كەزەگىندە تاسىمالداۋ، ساقتاندىرۋ سەكىلدى باسقا دا پوتەنتسيالدى شىعىنداردى ازايتۋعا مۇمكىندىك بەردى. وسىلايشا اتالعان وپەراتسيالار بويىنشا كوميسسيالىق سىياقى %0,3 عا دەيىن تومەندەتىلدى، - دەلىنگەن حابارلامادا.
سونداي-اق سۇرانىستا جوق جينالىپ قالعان قولما-قول ا ق ش دوللارلارىنىڭ ماسەلەسىن شەشۋ ءۇشىن ۇلتتىق بانك بۇل وپەراتسيالاردى ە د ب- نىڭ ءتيىستى سۇراۋ سالۋىنا سايكەس ۋاقىتشا شارا تۇرىندە جۇرگىزەتىنىن دە ناقتىلاماق.
ەسكە سالا كەتەيىك، بۇعان دەيىن ۇلتتىق بانك الاياقتىقتىڭ جاڭا ءتۇرى پايدا بولعانىن ەسكەرتكەن بولاتىن.
