ۇلتتىق بانك قازاقستاندىق ءۇش بانكپەن بىرلەسىپ بانكارالىق QR- تولەمدەر سەرۆيسىن ىسكە قوستى

سەرۆيس كليەنتتەرگە كەز كەلگەن بانكتىڭ پايداسىنا بانكارالىق QR- تولەمدەردى قابىلداۋعا جانە جۇزەگە اسىرۋعا مۇمكىندىك بەرە وتىرىپ، بانكتەردىڭ تولەم قىزمەتتەرىن كەڭەيتەدى.

بۇگىننەن باستاپ بانكارالىق QR- تولەمدەر سەرۆيسى «بانك سەنتركرەديت» ا ق، «Home Credit Bank» ا ق جانە «Freedom Bank» ا ق كليەنتتەرىنە قولجەتىمدى. وپەراتسيا جاساۋ ءۇشىن ساتىپ الۋشى كليەنت بانكتىڭ موبيلدى قوسىمشاسىنا كىرىپ، ساتۋشىنىڭ (سەرۆيسكە قاتىسۋشى بانكتەردىڭ بىرىندە قىزمەت كورسەتىلەتىن) تەرمينالىندا QR- كودتى سكانەرلەپ، تولەمدى راستاۋى قاجەت.

بانكارالىق QR- تولەمدەردى ىسكە قوسۋ بانكتەر اراسىنداعى ءوزارا ءىس-قيمىل دەڭگەيىن ارتتىرادى، ىڭعايلى ەتەدى جانە تۇتىنۋشى ءۇشىن تولەم قىزمەتتەرىنىڭ قولجەتىمدىلىگىن كەڭەيتەدى.

ۇلتتىق بانك قارجى نارىعىنىڭ قالعان قاتىسۋشىلارىن كەزەڭ-كەزەڭىمەن قوسۋ بويىنشا جۇمىستى جالعاستىرادى. جاڭا قىزمەت باسقا بانكتەردىڭ موبيلدى قوسىمشالارىندا ولار ىشكى پروتسەستەرىن بەيىمدەگەن كەزدە پايدا بولادى.

بانكارالىق QR- تولەمدەر سەرۆيسى تولەم ينفراقۇرىلىمىن دامىتۋ باعىتتارىنىڭ ءبىرى سانالادى جانە «قازاقستان رەسپۋبليكاسى ۇلتتىق بانكىنىڭ ۇلتتىق تولەم كورپوراتسياسى» ا ق بازاسىندا ۇلتتىق سيفرلىق قارجى ينفراقۇرىلىمىن (ۇ ت س ق ي) دامىتۋ اياسىندا ىسكە اسىرىلادى.

ۇ ت س ق ي- دى دامىتۋ باسەكەلەستىكتى كەڭەيتۋگە، تۇتىنۋشىلار ءۇشىن بانكارالىق تولەم سەرۆيستەرىنىڭ قولجەتىمدىلىگى مەن ىڭعايلىلىعىن ارتتىرۋعا باعىتتالعان.

وسىعان دەيىن بانكتەر تۋرالى زاڭ جوباسىدا يسلامدىق قارجىلاندىرۋ نازارعا الىناتىنى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى