ۇلتتىق بانك قاراشاداعى اقشا - كرەديت ساياساتى تۋرالى باياندامانى جاريالادى
استانا. KAZINFORM - باياندامادا بولجامنىڭ العىشارتتارى، 2026-جىلعا دەيىنگى بازالىق جانە بالامالى سەناريلەر بويىنشا ماكروەكونوميكالىق دامۋ سەرپىنى ۇسىنىلعان، دەپ حابارلايدى ۇلتتىق بانكتىڭ باسپا ءسوز قىزمەتى.
- قۇجات اقشا-كرەديت ساياساتى كوميتەتىنىڭ ورتامەرزىمدى كەزەڭگە ارنالعان بازالىق مولشەرلەمە تراەكتورياسىن باعالاۋدى، تولەم بالانسىنىڭ اعىمداعى شوت بولجامى، قازىرگى ماكروەكونوميكالىق جاعدايلار، اقشا، ۆاليۋتا جانە قارجى نارىعىنداعى احۋال جايىنداعى دەرەكتەردى قامتيدى، - دەلىنگەن حابارلامادا.
سونىمەن قاتار، بايانداماعا حالىقتىڭ كرەديت جۇكتەمەسىنىڭ ديناميكاسىن تالداۋ، كاسىپورىنداردىڭ باسەكەگە قابىلەتتىلىگىن باعالاۋ، سونداي-اق كەيبىر ەلدەردەگى ءداستۇرلى ەمەس اقشا-كرەديت ساياساتىن تالداۋ سياقتى تاقىرىپتارعا ارنالعان بوكستار ەنگىزىلگەن.
تولىعىراق اقپارات ۇلتتىق بانكتىڭ ينتەرنەت-رەسۋرسىندا جاريالانعان.
ەسكە سالساق، بۇعان دەيىن ۇلتتىق بانك Cu كوللەكتسيالىق مونەتالارىن شىعارعانى حابارلاندى.
سونداي-اق، ۇلتتىق بانك قولدان جاسالعان ۇلتتىق ۆاليۋتا بانكنوتالارى تاراعانىن ەسكەرتتى.
