ۇلتتىق بانك پەن قارجى نارىعىن رەتتەۋ اگەنتتىگى قايتا بىرىگە مە
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ كەزەكتى باسپا ءسوز ءماسليحاتىندا ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگىن قايتا بىرىكتىرۋ قانشالىقتى قيسىندى ەكەنى جونىندە پىكىر ءبىلدىردى.
«ءبىز ەكى رەتتەۋشى ورگاننىڭ قۇرىلىمى بۇگىنگى جايتتارعا جانە مەملەكەتتىك باسقارۋدىڭ قاجەتتىلىكتەرىنە تولىق جاۋاپ بەرەدى دەپ ەسەپتەيمىز. ءبىز مۇنى (ەكى قۇرىلىمدى بىرىكتىرۋدى - رەد.) قالامايتىنىمىز انىق. سالانىڭ احۋالى تۇراقتى ءارى تەڭگەرىمدە دەپ ەسەپتەيمىز»، - دەدى تيمۋر سۇلەيمەنوۆ.
سونداي-اق، ول قوعام ىشىندە مۇنداي ماسەلە تۋىنداپ وتىر دەگەنگە كۇمانمەن قارايتىنىن اتاپ ءوتتى.
«جۇمىسىما بايلانىستى بولعاندىقتان بۇكىل ترەندتەرگە، ونىڭ ىشىندە ب ا ق- قا دا مۇقيات زەر سالىپ وتىرامىن. ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگىن بىرىكتىرۋ كەرەك دەگەن ترەند ءجۇرىپ جاتقانىن بايقاعان جوقپىن»، - دەدى ۇلتتىق بانك باسشىسى.
