ۇلتتىق بانك جاڭا سەريالى بانكنوتالاردى مەرزىمسىز ايىرباستايدى

بۇل ستاندارتتى تۇردە - 1 جىل، ءبىراق ۇلتتىق بانك بۇل مەرزىمدى ۇزارتۋعا قۇقىلى. بۇل تۋرالى ۇلتتىق بانكتىڭ باسپا ءسوز قىزمەتى ءمالىم ەتتى.

«اينالىمدا پاراللەل جۇرەتىن كەزەڭ اياقتالعان سوڭ بارلىق بانك پەن قازپوشتا ەسكى ۇلگىدەگى بانكنوتالاردى تاعى 3 جىل ىشىندە جاڭا ۇلگىدەگى بانكنوتالارعا ايىرباستايتىن بولادى. ال ۇلتتىق بانكتىڭ فيليالدارى ەسكى ۇلگىدەگى بانكنوتالاردى مەرزىمسىز قابىلداي بەرەدى!» - دەلىنگەن حابارلامادا.

ەستەرىڭىزگە سالا كەتەيىك، «ساق ستيلى» جاڭا سەرياسىمەن جاڭارتىلعان نومينالى 5000 تەڭگەلىك بانكنوتالار اينالىمعا 2023-جىلى 25-جەلتوقساندا شىعارىلدى. ال 2024-جىلدىڭ جاز مەزگىلىندە نومينالى 10000 تەڭگەلىك بانكنوتالار شىعا باستايدى.

نومينالى 5000 تەڭگەلىك بانكنوتالار 2024-جىلدىڭ ناۋرىز ايىندا جاپپاي اينالىمعا تۇسەدى، سەبەبى ءتيىستى جابدىقتاردى (بانكومات، تەرمينال جانە ت. ب.) بەيىمدەپ، ەلدىڭ بارلىق وڭىرىنە جەتكىزۋ ءۇشىن بەلگىلى ءبىر ۋاقىت قاجەت.

جالپى، وسى سەريا اياسىندا 2025-جىلدىڭ سوڭىنا دەيىن جاڭا سەرياداعى بانكنوتالاردىڭ بارلىق نومينالدارىن اينالىمعا كەزەڭ-كەزەڭىمەن شىعارۋ جوسپارلانىپ وتىر.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى