ۇلتتىق بانك ءتوراعاسىنىڭ ءبىرىنشى ورىنباسارى اۋىستى

- مەملەكەت باسشىسىنىڭ وكىمىمەن ەرۇلان كەنجەبەك ۇلى جاماۋبايەۆ قازاقستان رەسپۋبليكاسىنىڭ ۇلتتىق بانكى ءتوراعاسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، - دەلىنگەن حابارلامادا.

ەرۇلان كەنجەبەك ۇلى جاماۋبايەۆ 1974 -جىلعى 25 -ناۋرىزدا الماتى وبلىسىندا دۇنيەگە كەلگەن.

1995 -جىلى قازاق مەملەكەتتىك باسقارۋ اكادەمياسىن «قارجى جانە كرەديت» ماماندىعى بويىنشا ، 2009 -جىلى قازاق ەكونوميكالىق ۋنيۆەرسيتەتىن «ىسكەرلىك اكىمشىلەندىرۋ ماگيسترى» ماماندىعى بويىنشا ءتامامداعان.

1996-1998 -جىلدارى - قازاق مەملەكەتتىك باسقارۋ اكادەمياسىنىڭ وقىتۋشىسى.

1998-2006 -جىلدارى - قازاقستان رەسپۋبليكاسى ۇلتتىق بانكى زەرتتەۋلەر جانە ستاتيستيكا دەپارتامەنتى جەتەكشى ساراپشىسى، باس ساراپشىسى، باس مامان-ساراپشىسى، باسقارما باستىعى، ديرەكتور ورىنباسارى.

2006-2014 -جىلدارى - قازاقستان رەسپۋبليكاسى ۇلتتىق بانكىنىڭ ۇيلەستىرۋ دەپارتامەنتىنىڭ ديرەكتورى.

2014-2015 -جىلدارى - «قازاقستاننىڭ تۇرعىن ءۇي قۇرىلىس بانكى» ا ق- نىڭ باسقارۋشى ديرەكتورى.

2015 -جىلعى شىلدە مەن قاراشا ارالىعىندا - قازاقستان رەسپۋبليكاسىنىڭ پرەزيدەنتى اكىمشىلىگىنىڭ الەۋمەتتىك- ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.

2015 -جىلعى قاراشا مەن 2018 -جىلعى قاراشا ارالىعىندا - قازاقستان رەسپۋبليكاسىنىڭ پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى.

2018 -جىلعى قاراشا مەن 2019 -جىلعى ناۋرىز ارالىعىندا قازاقستان رەسپۋبليكاسى پرەزيدەنتىنىڭ كومەكشىسى.

2019 -جىلدىڭ 22 -ناۋرىزىندا قازاقستان رەسپۋبليكاسى قارجى مينيسترلىگىنىڭ جاۋاپتى حاتشىسى بولىپ تاعايىندالعان.

2020 -جىلدىڭ 18-مامىرىندا قازاقستان رەسپۋبليكاسىنىڭ قارجى ءمينيسترى بولىپ تاعايىندالدى.

2024 -جىلعى 6-اقپاندا بۇل لاۋازىمىنان بوساتىلدى.

2024 -جىلى 20-مامىردان باستاپ قازىرگى دەيىن پرەزيدەنت كەڭەسشىسى قىزمەتىن اتقارىپ كەلدى.

وسىعان دەيىن ەرمەك كوشەربايەۆتىڭ پرەمەر- ءمينيستردىڭ ورىنباسارى لاۋازىمىنا تاعايىندالعانىن حابارلادىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى