ۇلتتىق بانك باسقارماسى ۆاليۋتالىق رەتتەۋ ماسەلەلەرىنە قاتىستى وزگەرىستەردى بەكىتتى

2024 -جىلدىڭ ءتورتىنشى توقسانىندا ۇلتتىق قوردى سەنىمگەرلىك باسقارۋ ناتيجەلەرى تۋرالى ەسەپ بەكىتىلدى.

2024 -جىلدىڭ قورىتىندىسى بويىنشا ۇلتتىق قوردىڭ ۆاليۋتالىق اكتيۆتەرى 58,8 ميلليارد ا ق ش دوللارىن قۇرادى. جىلدىق ينۆەستيتسيالىق تابىس 4,6 ميلليارد ا ق ش دوللارى نەمەسە %7,6 بولدى. قور قۇرىلعالى جيناقتالعان كىرىستىلىك - %128 نەمەسە جىلدىق ماندە %3,55.

- ۇلتتىق بانك باسقارماسى ۆاليۋتالىق رەتتەۋ ماسەلەلەرى بويىنشا ءبىرقاتار نورماتيۆتىك قۇقىقتىق اكتىگە وزگەرىستەر مەن تولىقتىرۋلار دا ەنگىزدى. بانكتەردىڭ ۆاليۋتالىق وپەراتسيالار بويىنشا ەسەپ بەرۋ مەرزىمى قىسقارتىلىپ، ۆاليۋتالىق زاڭناما تالاپتارىنان جالتارۋ ءۇشىن جاسالۋى مۇمكىن جانە قارجى مونيتورينگىنە جاتاتىن وپەراتسيالار ءتىزىمى كەڭەيتىلدى، - دەلىنگەن ۇلتتىق بانك حابارلاماسىندا.

سونىمەن قاتار، باسقارما شەشىمىمەن اقشا ايىرباستاۋ پۋنكتەرى ارقىلى جۇرگىزىلەتىن وپەراتسيالار ءۇشىن قولما-قول شەتەل ۆاليۋتاسىن ساتىپ الۋ جانە ساتۋ باعامدارىنىڭ ايىرماشىلىعى شەكتەلدى: ا ق ش دوللارىنا - 7 تەڭگە، ەۋروعا - 10 تەڭگە.

بۇعان قوسا، جيىندا تولەم جۇيەلەرى جانە ۇلتتىق بانكتىڭ وزگە دە قىزمەتىنە قاتىستى ماسەلەلەر بويىنشا قازاقستان رەسپۋبليكاسى ۇلتتىق بانكى باسقارماسىنىڭ كەيبىر قاۋلىلارىنا وزگەرىستەر مەن تولىقتىرۋلار ەنگىزۋ تۋرالى شەشىم قابىلداندى.

ەسكە سالا كەتەيىك، بۇعان دەيىن ۇلتتىق بانك ءتوراعاسىنىڭ ءبىرىنشى ورىنباسارى اۋىسقانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى