ۇلتتىق بانك اقشا-كرەديت ساياساتى تۋرالى باياندامانى جاريالادى
استانا. KAZINFORM - ۇلتتىق بانك بازالىق مولشەرلەمە تراەكتورياسىنا باعالاۋ مەن ماكروەكونوميكالىق سەناري ۇسىندى. بۇل تۋرالى بانكتىڭ باسپا ءسوز قىزمەتى ءمالىم ەتتى.
باياندامادا بولجامنىڭ العىشارتتارى، 2027-جىلعا دەيىنگى بازالىق جانە بالامالى سەناري بويىنشا ماكروەكونوميكالىق دامۋ سەرپىنى ۇسىنىلعان.
- قۇجاتتا اقشا-كرەديت ساياساتى كوميتەتىنىڭ بازالىق مولشەرلەمە تراەكتورياسىنا ورتامەرزىمدى كەزەڭگە ارنالعان باعالاۋى، تولەم بالانسىنىڭ اعىمداعى شوتىنىڭ بولجامى، اعىمداعى ماكروەكونوميكالىق جاعداي جانە اقشا، ۆاليۋتا جانە قارجى نارىقتارىنداعى احۋال بويىنشا دەرەكتەر دە قامتىلعان، - دەلىنگەن حابارلامادا.
بۇدان بولەك، باياندامادا ققس مولشەرلەمەسى ۇلعايۋىنىڭ ينفلياتسياعا اسەرى تۋرالى حالىقارالىق تاجىريبە، ەڭبەك نارىعى تاراپىنان ينفلياتسيالىق قىسىم كورسەتكىشتەرىن باعالاۋ، سونداي-اق حالىقتىڭ جيناقتاۋ ادەتتەرى تۋرالى ساۋالناما ناتيجەسى سەكىلدى تاقىرىپتارعا ارنايى بوكستار بار.
ەسكە سالا كەتەيىك، بۇعان دەيىن ۇلتتىق بانك بازالىق مولشەرلەمە ءالى دە كوتەرىلۋى مۇمكىن ەكەنىن ايتقانىن جازعان بولاتىنبىز.
