ۇلتتىق پانتەونعا (ەليتالىق زيراتقا) جەرلەنەتىن تۇلعالاردىڭ ءتىزىمى وزگەرتىلەدى

قۇجاتقا سايكەس ەليتالىق زيراتقا جەرلەنەتىن تۇلعالاردىڭ ءتىزىمى وزگەرتىلمەك.

قايتىس بولعان (قازا تاپقان) مىناداي ادامدار پانتەون اۋماعىندا جەرلەنەدى:

1) قازاقستان رەسپۋبليكاسىنىڭ پرەزيدەنتتەرى؛

2) قازاقستان رەسپۋبليكاسىنىڭ پرەمەر-مينيسترلەرى جانە ولاردىڭ ورىنباسارلارى، پارلامەنت پالاتالارىنىڭ ءتوراعالارى جانە ولاردىڭ ورىنباسارلارى، مەملەكەتتىك كەڭەسشىلەر، پرەزيدەنت اكىمشىلىگىنىڭ باسشىلارى، كونستيتۋتسيالىق سوتتىڭ، جوعارعى سوتىنىڭ جانە ۇلتتىق بانكتىڭ ءتوراعالارى؛

3) مينيسترلەر، پرەزيدەنتكە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى؛

4) «حالىق قاھارمانى»، «قازاقستاننىڭ ەڭبەك ەرى» اتاقتارىنا يە بولعان ادامدار؛

5) «التىن قىران»، «وتان»، «ءۇش دارەجەلى «ەڭبەك داڭقى» وردەندەرىمەن ماراپاتتالعان ازاماتتار؛

6) «كەڭەس وداعىنىڭ باتىرى»، «سوتسياليستىك ەڭبەك ەرى» اتاقتارىنا يە بولعان ازاماتتار؛

7) «قازاقستاننىڭ عارىشكەر- ۇشقىشى» قۇرمەتتى اتاعىنا يە بولعان ازاماتتار؛

8) پرەزيدەنتتىڭ ەرەكشە شەشىمى بويىنشا باسقا دا ازاماتتار؛

9) پانتەوندا جەرلەۋگە جاتاتىن ادامدارمەن ولاردىڭ قايتىس بولعان (قازا تاپقان) جۇبايلارىن جەرلەۋگە بولادى

پانتەوندا جەرلەۋدى تىركەۋ كىتابى جۇرگىزىلەدى، وندا قايتىس بولعان (قازا تاپقان) ادام تۋرالى مىناداي مالىمەتتەر قامتىلادى:

1) تەگى، اتى جانە اكەسىنىڭ اتى (بولعان جاعدايدا)؛

2) قايتىس بولعان (قازا تاپقان) ادامنىڭ پانتەونعا اكەلىنگەن جانە ءمايىت جەرلەنگەن كۇندەر

وسىلايشا، قازاقستان پرەزيدەنتتەرىنىڭ وتباسى مۇشەلەرى، مەملەكەتتىك حاتشىلار مەن كونستيتۋتسيالىق كەڭەس ءتوراعالارى پانتەونعا جەرلەنەتىندەر تىزىمىنەن شىعارىلادى.

سونىمەن قاتار، قۇجاتتان «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ» وردەنىمەن ماراپاتتالعان ازاماتتار تىزىمنەن شىعارىلاتىنى بەلگىلى بولدى.

قازاقستان رەسپۋبليكاسىنىڭ «قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ كۇشى 2023 -جىلعى 13-اقپانداعى № 198-VII كونستيتۋتسيالىق زاڭمەن جويىلدى، دەلىنگەن قۇجاتتا.

قازىرگى كەزدە پانتەوننىڭ قولدانىستاعى اۋماعىندا مەموريالدىق عيمارات جانە مۋزەي عيماراتى جوق. سونىمەن قاتار اتالعان عيماراتتاردى سالۋ كوزدەلمەگەن، سەبەبى ولار بويىنشا م ي ج، ج س ق ازىرلەۋ جانە قۇرىلىستىڭ ءوزىن جۇرگىزۋ قاراستىرىلماعان. جەرگىلىكتى جانە رەسپۋبليكالىق بيۋدجەتتەردە جۋىق مەرزىمگە ارنالعان قارجىلىق جىلدارعا جانە ودان ءارى جوسپارلاردا بۇل وبەكتىلەردى قارجىلاندىرۋ قاراستىرىلماعان، - دەلىنگەن تۇسىندىرمە جازبادا.

ۇلتتىق پانتەون استانادان 17 شاقىرىم جەردە، قابانباي باتىر اۋىلىنىڭ ماڭىندا ورنالاسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى