ۇلتتىق اكادەميالىق كىتاپحانا ديرەكتورى تاعايىندالدى
استانا. KAZINFORM - كۇمىس سەيىتوۆا ق ر ۇلتتىق اكادەميالىق كىتاپحاناسىنىڭ ديرەكتورى لاۋازىمىنا تاعايىندالدى.
بۇل تۋرالى ق ر م ا م ارحيۆ، قۇجاتتاما جانە كىتاپ ءىسى كوميتەتىنىڭ باسپا ءسوز قىزمەتى ءمالىم ەتتى.
2025 -جىلدىڭ 18- اقپانىندا ق ر ۇلتتىق اكادەميالىق كىتاپحاناسىنىڭ ديرەكتورى لاۋازىمىنا كۇمىس قارساقباي قىزى سەيىتوۆا تاعايىندالدى.
كۇمىس قارساقباي قىزى سەيىتوۆا قاراعاندى وبلىسىندا دۇنيەگە كەلگەن. جەزقازعان پەداگوگيكالىق ينستيتۋتىن، د. قونايەۆ اتىنداعى گۋمانيتارلىق ۋنيۆەرسيتەتتى جانە «بولاشاق» اكادەمياسىن بىتىرگەن.
2004-2023 -جىلدارى ق ر مادەنيەت جانە اقپارات مينيسترلىگىنىڭ قۇرىلىمىندا ءارتۇرلى لاۋازىمداردا جۇمىس ىستەدى، سوڭعى لاۋازىمى - ق ر مادەنيەت جانە اقپارات مينيسترلىگى مادەنيەت كوميتەتىنىڭ ءتوراعاسى.
2024 -جىلى «قۇرمەت» وردەنىمەن ماراپاتتالعان.
